|
یاحضرت زینب کبری (س) ای قلم یاز کربلادن عشق زینبدن دانش دم ویرا هر کیم وفادن عشق زینبدن دانش کیمدی زینب جلوه گاه کربلا میقاتیدی کیمدی زینب زینت آل عبا اثباتیدی کیمدی زینب اسوه تقوادی حق مرآتیدی مدح ایله باب رجادن عشق زینبدن دانش من کیمم مدح ایلیم بو زینبون شخصیتین عقل لر حیران قالوب یازسون جلال و شوکتین معرفت ایستر بیان ائتسون مقام و عزتین آل خبر زین العبادن عشق زینبدن دانش کیمدی زینب صورتین نامحرمه ویرموب نشان اورگدوب درس حیا عالملره شمع جنان تاپشروبدی عفتونده اولما غافل ای زنان اولمیون غفلت خدادن عشق زینبدن دانش بو ذلیل جانیم اولا قربان خانم گفتاریوه خطبه وه ، رفتاریوه ، سنده اولان کرداریوه هارداسان گل ویر قدم شهریمده باخ دلداریوه سن دئین یوخدور حیادن عشق زینبدن دانش زینبیه کوچه سیندن گل عزیزیم سال گذر مکتبوندن شهریلرده قالمیوب اصلا اثر عصمت و عفت وقارین پوزدی بیر عده بشر سالدیلار دینی صفادن عشق زینبدن دانش ایش دونوب قیزلار مثالی هر باخیش اوغلاندیلار هر روشده ئوزلرین اوغلانلارا اوخشادیلار بو نه غوغادی امام عصریمی آغلاتدیلار یاندی عالم بو بلادن عشق زینبدن دانش نچه رنگی بیر بیره قاتموش چکوب ابرو لبه تللرین سالمش یوزه بنذور عروس یکشبه نچه اوغلان وار خیاباندا دالیجا کبکبه هیچ اوتانمور بیر خدادن عشق زینبدن دانش گر دانشدیرسون دئیر من زینبی مکتبدیم شیعه ی آل علی یم جعفری مذهبدیم وار یرئی زینب دئیه گیت منده تاب و تبدیم بیر اوتان آل عبادن عشق زینبدن دانش زینبه قائل اولان زینب سوین لایق اولار مکتبیندن درس آلان اعمالیده صادق اولار زینبی الگو بولنلر بی ریا عاشق اولار اجتناب ایلر کذادن عشق زینبدن دانش بو همان زینبدی عفتدن حمایت ایلدی دین و قرآن و حجابیندن حمایت ایلدی عصمتیندن غیرتیندن باخ رعایت ایلدی درس دور بو مه لقادن عشق زیننب دن دانش مرحبا زهرا بو قیز سندن تاپوبدی پرورش خَلقاً و خُلقاً سنون تک خصلتی عالی منش نطقیده گفتاری عیناً مرتضی دی ، سن روش باشدی سن تک هر سخادن عشق زینب دن دانش بو همان زینب دی نطقی تیغه ی الماسیدی صتوتینده فطرتینده قارداشی عباسی دی آند اولا زهرایه مشکیلده کرم دریاسیدی آل صله مشکل گشادن عشق زینبدن دانش باشیمیزدن کسمسون الله بو زینب سایه سین قلب لرده گون به گون عشقین اوجاتسون پایه سین هیئتی لر ساخلیاق بو پرچمون پیرایه سین حفظ ایله قانلی لوادن عشق زینبدن دانش زینبون بو پرچمی والله شرافتدور بیزه ئوپگیلن قوی گوزلرون اوسته امانتدور بیزه یادگار کربلادی طوق عزتدور بیزه تحفه دور کرب و بلادن عشق زینب دن دانش کربلا نه کربلا وادی محنت خیمه سی زینبون بوکدی بلین غصه اولوبدی پیشه سی اون بیر ماه محرم یاندی زینب سینه سی سالدی یول غملی فضادن عشق زینب دن دانش کوچ ایدوردی قتلگهدن تاپدی باجی قارداشی گوردی اللر یوخ بدنده توکدی گوزده گوز یاشی سسلدی باجون ئولیدی دور گلوب غم یولداشی بس نیه دوشدون صدادن عشق زینب دن دانش نه الون وار نه باشون جسمون یر اوسته پاره دور دور منی دیندور حسینیم زینبون آواره دور سینوون قانی آخور آیا بو هانچی یاره دور کیم کسوب باشون قفادن عشق زینب دن دانش ****** قهرمانی
برچسبها: قهرمانی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
