|
شب عاشورا گویگدن شب عاشورا ، نورانی لوا گلدی پرچمده یازیلمیشدی ، نام شهدا گلدی یوم ِ غم تاسوعا ، گون باتدی باشا یتدی حضرت او جماعت لن اقدام نماز ایتدی بیر عدّه نماز اوستن گیزلینجه دوروب گیتدی اصلا او گلن لردن نه سس نه صدا گلدی بیعت گوتوروب حضرت ، قتلین دئدی منبرده مشعل لر اولوب خاموش ظُلمت توخودی پرده گئتدی او قارانلوقدا بیر دستۀ دیگرده ثابت قالان انصاره تحسین ِ خدا گلدی بیگانه و نامحرم ترک ایلدی جانانی تشکیل تاپوب ناگه بیر مجلس روحانی جمع ائیتدیلر اول بزمه دلداده احبّانی یتمیش ایکی جاندان بیر آواز وفا گلدی بیر خطبه اولوب جاری لبهای ِ امامتدن آچدی علنی پرده اسرار ِ شهادتدن گورسندی عجب عالم اول وقتیده حضرتدن (( العلم )) یقین اوسته رؤیتله قوا گلدی انگشت ِ مبارکله رد ائتدی حجاباتی ائتدیردی اشارئیلن گوگدن یئره جنّاتی جنّتده شهیدانین گورسندی مقاماتی اوردا نظره قصری یاقوت و طلا گلدی بیر خیمه کی اولموشدی زهرا قیزینا تسلیم اوغلانلارینا مشق ِ دعوا ائلیور تعلیم سلطانه بو طرزیله صبّاح ائده سوز تعظیم گورسون آتامون اوغلو منده نده فدا گلدی نصف شبیدی حضرت چیخمیشدی مصلّایه قصد ائیله دی تا گئتسون دیدار ِ احبّایه دوشدی یولی خرگاه ِ صدیّقه صُغرایه ناگاه قولاقینا آشفته نوا گلدی بهت عالمی یوز وئردی خیمه قاپوسین آچدی ناگاه او باجی قارداش بیر نوعی قوجاقلاشدی اول خورداجا قربانلار بو حالته آغلاشدی هم ناله و افغانه سکّان ِ سما گلدی یحیوی اردبیلی برچسبها: عباسقلی یحیوی اردبیلی
+ نوشته شده در شنبه ۱۸ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
