|
ورود آل الله به کربلا (سبک: ساخلا ناقه می …) ای باجی بو بازار عشقه من قویموشام قدم نقد جانله گلسه هر متاع بلا آلام شامه سن آپار کاروانله صبر ائله گله هر بلا باجی اول بلائیله آشنا باجی دیلخوشام باجی گلسه هرقدر باشمه بو یئرده بلای عشق اهل عشق ایچون افتخاریدور ایلسه اگر جان فدای عشق ایلینمز هر بوالهوس یقین امتحانی سیز ادعای عشق آشکار دور چون بو مسئله زر تاپار عیار امتحانله وئرموشم ته دیلدن ای باجی دل ازل گون ایستکلی یاریمه باش وئرم بو صحرای عشقده تا یتَم وصال نگاریمه اولموشام رضا مین بلا اوخی گر د گه دل بی قراریمه راه یاریده نوشدور منه دلخوشام همین خوش گمانله تیغ تیز اعدای دینیله دوغرانار همین یرده اکبریم آتش جفا قلبیمی یاخار اوخلانار الیم اوسته اصغریم غم آلار الیمدن قراریمی جان وریر سوسوز یار و یاوریم قلبیمون اودون ایلرم خموش من بو دیده ی خون فشانله مین ملالیله قاسمه باجی طوی اساسی من ایلرم بنا کامه یتمه میش ظلمیله اولار بزم عشرتی مجلس عزا کیم گوروب باخا ایندیه کیمی نوعروس اله طویدا قان حنا هر گلن اونا تهنیت دیه گوز یاشیله آه و فغانله خورداجا اوشاقلاریمون باجی بعضیسین اوگون ئولدورر عطش بعضیسی سوسووزلوقدان اود دوتار سو تاپانماز ایلر اولاردا غش سوزش عطشدن بویوکلرون برملا اولار جلدی منکمش صبر ائده حسینون بو محنته عهد ائدوب حق لامکانله قارداشیم ابوالفضلمون باجی کوفیان ائدر قوللارین قلم مشکی اوخلانار ظلموله اولار بار غصّه دن سرو قدی خم قوش کیمی آچار پر خدنگیله باش گئدر اولار سرنگون علم قارداشیم ئولوم آرزو ائدر اوندا کی دولار مشگی قانله جور و ظلمدن قوم کینه جو بیله بولمه بیر آن دویار باجی باشیمی کسر تشنه لب عدو رختمی سراسر سویار باجی کهنه پیرهن اوسته جسممی گون ایونده عریان قویار باجی قتلگاهه گلسن تاپانماسان قارداشوی سن بیر نشانله اود ویرار او گون خیمه گاهمه یاندیرار باجی فرقه ی شریر ظلم الیله باغلالّا قول قولا هم سویار سیزی هم ائدر اسیر صبر ائله دایان هر مصیبته سر برهنه گئت شامه دستگیر من اوزوم سیزون سرپرستوزم بو نچه مقدّس جوانله بولموسن نه طغیان ائدر باجی ظلموده یزید ستم شعار کِبریله او بی ننگ و بی وقار شامده قورار مجلس قمار اهل بیت زاریم باخا باخا بو دوداقلارا خیزران وورار واردی گور پیمبر ئوپن لبین نسبتی باجی خیزرانله چون یزید دون شامده سیزه بیر خرابه یئرده مکان وئرر اول خرابه ده روز و شب سنه درد و غصه یوز هر زمان وئرر بی کفن قوری یئرده آج سوسوز عاقبت رقیّمده جان وئرر غصّه مرگ اولور بو قیزیم منیم ظلم بی حد ساربانله همت ایله (( عاصی )) کناره سن قویما پا خط مستقیمیدن قورخ او حالت احتضاریدن هول حشر و نار جهیمدن بیرده بو حسینون زیارتین ایسته آل خدای کریمدن قسمت ایلییه تا بو ایل سنه قارداشون تقی نوحه خوانله ****** مرحوم حسن عاصی تبریزی برچسبها: حسن عاصی
+ نوشته شده در سه شنبه ۲۶ فروردین ۱۴۰۴ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
