|
عرض ادب محضر حضرت اباعبدالله الحسین (ع) گریز به وداع ای آدی دلربا حسین- آدیوه جان فدا حسین تربتی کیمیا حسین - گؤزلره توتیا حسین آی او مقدس آدیوه - جان جهان فدا حسین روز ازلدن اولمیسان – دیللره آشنا حسین عاشق جان نثارینام– عشقیمه وِئر بها حسین چونکی سنین گوزل آدین عشقیله ازبر ائتمیشم ساخلامیشام بیرعمریدیرسینه ده دفتر ائتمیشم قلبیمین آرزوسینه عشقیوی محور ائتمیشم باب کرامتونده اؤز جانیمی مِهتر ائتمیشم لطف ائله آستانیدن ائتمه بیزی جدا حسین دفتر عشقه یازمیشام آدیوی افتخاریلن باشیم اوجالدی یاحسین سن وئرن اعتباریلن قویمادین عمریمیز یئته باشه بو انتظاریلن شیعه لرین گلور قوناق عدهٔ بیشماریلن دایر اولوب قوناقلیقین مملکتونده یا حسین پای پیاده زایرین جمله سنه طرف گلیر قورخولو یولدا صف چکیب هامیسی جان بکف گلیر جانین آلیبدی اووجونا شیعه دی صف به صف گلیر دوشموری یاده خسته لیک شورگلیرشعف گلیر هم بئله میهمانلارا هم سنه مرحبا حسین پیر و جوان دی مرد و زن پای پیاده یول گئدور چوخلاری نصف شب اولور پای فتاده یول گئدور گوزلری چون قالیب ره کرب و بلاده یول گئدور مُحْرِمِ حج عمره لر مروه صفاده یول گئدور یولدا قالان قوناقلاری ائیله اؤزون دعا حسین ذِکر سنین ، دعا سنین، لطف سنین، عطاسنین حِلّ سنین ،حرم سنین، مروه سنین،صفا سنین وصل سنین، صبر سنین،سلم سنین، رضا سنین فضل سنین ، کرم سنین ، موهبت خدا سنین وئردی گؤزل محبتین قلبیلره جلا حسین بعضی سئورکی آدینی چوخ تب و تابیلن یازا لوح طلاده یا حسین عطر و گلابیلن یازا قاره علملر اوستونه جوهر نابیلن یازا وار یئری آسمان یئره اشک سحابیلن یازا یئرده سنیندی گؤئ ده ای زیور نه سماحسین ما به کمند عشقت از عهد قِدَم فتاده ایم جام می محبت از دست خودت ستاده ایم چون مئ ناب خورده ایم سرخوش ومست باده ایم عقل ز دست داده ایم عاشق صاف و ساده ایم گشته همیشه زین سبب گفت و شنود ما حسین هر که شنید نام تو عشق بود پیام تو هر که چشید جام تو جامه درید خام تو هر که فتاد دام تو سایه فکند بام تو هر که پرید از قفس رام شد از سلام تو چون به مراد از مرید میرسد این صدا حسین ذکر حسین گفته ام تا که حسین شنفته ام گوهر سینه سفته ام منزل دیده رفته ام نام تو دل نهفته ام نکته به نکته گفته ام غنچه ٔ باغ محنتم با غم تو شکفته ام هر گئجه گوندوزوم اولوب ذکر خفیِّ یاحسین ساخلا عِنان خامه نی گئچمییه سؤز تعارفه یاخشی مثلدی ای قلم بسدیر اشاره عارفه ایندی اورک سؤزون گَرک دوز ائلییم معارفه اهل دلی تعارف ائت صحبت متعارفه یاز دیله گلسین اهل دل سسلییه بیرده یاحسین هجرت ئیلیندن آلتمیش ئیل سیر ائلییب گئچن زمان ظلم بنی امیه دن شیعه لر اولدو باغری قان گؤردوگَرکدی شاه دین نهضتین ایله سین عیان کاسهٔ صبری داشلانیب جوشه گلیب داماردا قان کرب و بلاده لشگرین ائیله دی جابجا حسین جمع ائلییبدی باشینه یئتمیش ایکی دلاوری زهره جبین و مه لقا جان به کف آشنالری یولادی رزمه ابتدا اوغلی علی اکبری زینت عهد نامه سی اولدو علی اصغری آیریلور اهل بیتیدن قؤپدو صدای واحسین زینب او شیر زن باخیب قارداشینا گؤزونده یاش ال اوزه بیلمیر عاشقی آغلیوری یواش یواش پیکری دوشدو لرزیه دیزلری تاپدی ارتعاش یَا بْنَ اَبی حسین دایان صبر ائله مهربان داداش منده شریک نهضتم دِینیم اولار ادا حسین صبر ایله زینبون سنه ئوز قوشونون نشان وئره سسلییوم اهل بیتووی تا قاباقوندا سان وئره آل بالاوی قوجاقیوه قویما رقیه جان وئره چون سفراوسته سن حسین اکبره دِی اذان وئره سن گئده لی حرملرون اولدی گونو قرا حسین چونکی جوان ننم سنین چکدی ئولونجه نازووی آغلادی منده آغلادیم کشف ائلیینده رازووی وار آنامین سفارشی آرتیرام امتیازووی ایندی کی یوخدو فاطمه قؤی من ئوپوم بوغازوی سؤیله حیالی زینبین گیتملیدیر هارا حسین صوت اَنَاالْعَطَش سؤنوب باشلانیب آغلاماق سسی نالة وا محمدا چولقادی چرخ اطلسی صبره مشایعت ائدیر زینبی صبرین آیه سی میندیره ذوالجناحینه یوخدو او شاهی بیرکسی دوتدو رکاب زینبی بلکه مینه آتا حسین محنت آیریلیق چتین روضه دی سلب ائدیرتوان چونکی وداع آخره شیعه لر اولدی باغری قان بو سؤزوْ سالما غربته آغلادی صاحب الزمان یاندی جیگرلریم دئدی دشمنی وئرمه دی امان قانه دونوب فرات اوگون آغلادی نینوا حسین بیز سنه عاشقوک حسین گؤزلریمیز حرمده دیر جمله گدالرین گؤزوسن کیمی محتشمده دیر عشق ومحبتین حسین قلب ((قیزیل قلم ده )) دیر خدمت ناقص اولسادا دقتی کیف و کمده دیر بیر نظر اِئیله اولمیشام محنته مبتلا حسین اکبر ستاری (قیزیل قلم) برچسبها: اکبر ستاری قزیل قلم
+ نوشته شده در سه شنبه ۲۶ فروردین ۱۴۰۴ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
