|
زبانحال حضرت زینب (س)در آخرین وداع امام حسین (ع) ای اولان زینبین دادخواهی سن سن عالمده امید گاهی سن گیدورسن بو بیکس عیالون یوخدی بیر کیمسه پشت و پناهی **** خیمدن ایلینده تجلی اولدی مجنون بو غمخواره لیلی گل اونا خیمده ویر تسلی لطف اوزیله ایله بیر نگاهی جمع قیل بو پریشان عیالین قسمت اولماز داخی چون وصالین بیرده گورسونله باری جمالین ای ایکی عالمین پادشاهی ای بو جسمیمن ایچره روانیم بیر سنه چون قالوبدور گمانیم گل اوتور باشیوه بیر دولانیم ای اولان زینبین قبله گاهی قیل توقف برادر اماندور آیریلیق دردی بالله یاماندی خیمگاه ایچره محشر عیاندور اهلبیتین چیخار عرشه آهی گور سکینه نه شوریله آغلار باخ رباب آهیله سینه داغلار قیزلاری قول قولا شمر باغلار اود وورار یاندورار خیمگاهی گل کیمی بیر طرف نعش اکبر خار تیریله اوخلانموش اصغر گور آچیلموش نه گلهای احمر گلستان ایلیوب قتلگاهی قالدی بیکس بو باشسیز عیالین نیزه ده گورسم اول گل جمالین قلبیم ایستر دیسون بو مقالین باخ منه نیزه ده گاهگاهی یا حسین قیل نظر بو عزایه قسمت ایله گلاخ کربلایه عفو قیل سن شه لافتایه چوخدی بو ((نوحه خوانین)) گناهی ****** خادم عطار تبریزی(نوحه خوان)
برچسبها: خادم عطارتبریزی نوحه خوان
+ نوشته شده در سه شنبه ۲۶ فروردین ۱۴۰۴ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
