|
بالین حضرت ابوالفضل (ع) ای اولان دين حقون فداسی قلبيمه اود ويران هر ياراسی دور بليم سندی قارداش دوزلمز اوخ دگن قانلی گوز بيرده گورمز آچ گوزون هوشه گل ای وفالی شمس دين هاشمیلر مارالی حمل ايدوم خيمه وه دور يارالی ايستيدی بو يرين چوخ هواسی دور بليم سندی قارداش دوزلمز اوخ دگن قانلی گوز بيرده گورمز تا سسون گلدی صولدوم سارالديم کيم بولر من نه احواله قالديم قوللارون يرده گوردوم قوجالديم درديمون اولماز آخر دواسی دور بليم سندی قارداش دوزلمز اوخ دگن قانلی گوز بيرده گورمز باش يارا اوخ دگوب گوزلروندن قوی دوداقون اوپوم هم يوزوندن بير دانش وير تسلی سوزوندن باخ منه گوزلريمون ضياسی دور بليم سندی قارداش دوزلمز اوخ دگن قانلی گوز بيرده گورمز آچ گوزون ايلمه چوخ گلايه سسلدون گلديم ايندی هرايه دور حرملر گلوب لر نوايه گيتدی الدن حسينون عصاسی دور بليم سندی قارداش دوزلمز اوخ دگن قانلی گوز بيرده گورمز کيم ويروب دور يارا بو باشوندان آيری سالدی سنی قارداشوندان قان آخور اينديده گوز قاشوندان قالمادی بو حسينون قواسی دور بليم سندی قارداش دوزلمز اوخ دگن قانلی گوز بيرده گورمز (( عدلی)) نی تک گلوبدی فغانه دردی وار ايلور اشکين روانه ایستوری کربلا وير براتين تا کسولسون ديليندن نواسی دوربليم سندی قارداش دوزلمز اوخ دگن قانلی گوز بيرده گورمز ****** عدلی تبریزی برچسبها: اصغر فرشچی عدلی تبریزی
+ نوشته شده در سه شنبه ۲۶ فروردین ۱۴۰۴ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
