|
نوحه زبانحال امام حسین (ع) و حضرت علی اصغر (ع) ای آیت رحمانی ای شاهپریم لای لای ای برج سعادتده نجم سحریم لای لای من باغلادیقیم پیمان قالوده عیان گلدی آماده اول ای اصغر اول وقت و زمان گلدی چون حرمله ده گلدی هم تیر و کمان گلدی ای تیره نشان اوغلوم ، پاره جگریم لای لای قونداقدان اوجا چون هَل مِن ناصِره سس گلدی اصغر اَل ایاق چالدی سیندردی قفس گلدی ترک ائتدی آنا شیرین چون شیر عسس گلدی ای تازه نفس جنگی ، تک ماحضریم لای لای عرش ائتدی آتا دوشین سسلندی خدا لبیک مقصودوه یا مولا اصغرده فدا لبیک لبیک حسین لبیک ، لبیک بابا لبیک لبیکوه من قربان ، نور بصریم لای لای خاموشدی لب واردی ، گوزلرده ولی سوزلر که چون قورودی حنجر جوشاندی ولی کوثر گر اصغرم ای بابا لیکن که منم لشکر ای لشکر و سربازیم محکم سپریم لای لای ای تشنه لبیم بابا میداندا قالان تنها بو دردوه واویلا یاندی جگریم اوددا دوزدور یخیلیب سقا اصغر هله وار بابا غیرت لی اوغول احسن ای بال و پریم لای لای شش ماهه سن اما سن ، اوج ائتمگه عنقا سن همّتده مهیّا سن دلده بالا دریا سن عشقونده مصفّا سن ثارُ اللهه دارا سن ای سن منه سرمایه ، ای بار و بریم لای لای حنجر که نشان اولدی چون حرمله تیر آتدی سعد اوغلینا وجدانین دینین او دَنی ساتدی تیر اولدی اِتی مسمار قلب آناما باتدی ای یاره دل و پهلو روح پدریم لای لای میثاق الهینی امضا ائلدون اوغلوم قانیله بو پیمانه ایفا ائلدون اوغلوم عشقیله جزاک الله سودا ائلدون اوغلوم ای شأنی اوجا اوغلوم ، اعلا گهریم لای لای چالدون اَل ایاق اصغر خندانه و مستانه سالدون فلکه امّا افغانه و لرزانه آغلار آناووی قویدون دوندی اورگی قانه قالدی بیشگون خالی ای صود امریم لای لای مولا بویادی رخسار خون علی اصغردن بو دُرّ نهایمدور گنجینه ی کوثردن یا ربّ قبول ایله سون هدیه نی حیدردن آل اللهیمین دُرّی قیمتلی زریم لای لای هدیه ائلدیم ربّی بیر باغ قیزیل لاله به به بورودی عطری دنیانی بو آلاله آلالیه گول دسته م اصغرده اولوب هاله ای هاله ی مهتابیم دُور قمریم لای لای قانیله وضو ائتدون دوشیمده نماز ائتدون داداریله مقتلده سن راز و نیاز ائتدون سن بیدقمی خونین حنجرله فراز ائتدون دنیانی ائدن آگه عالی نظریم لای لای شاهد سن علی یتمیش بو چولده شهیدانه قانه بویانان جاننار مستانه و رندانه یتمیش بیری اولدون سن قربان بئله قربانه شش ماهه ذبیحیم وای خونین جگریم لای لای گلدی که مگر گویدن قوچ قافله دن قالدون ! حاضر بو مناده تئز اولدون بئله پر چالدون عالی درجه حقدن لب تشنه بالا آلدون ای سیر ائلین گویده افرشته پریم لای لای شانه م سنه مقتلدی سینمده مزاروندور تقدیروه باخ هارا اوغلوم که قراروندور قُربه یئترن اصغر خالص بو عیاروندور بو قربه هزاران شکر ای مه پسریم لای لای بیزده صورا بو چولده آزاد اولار آب اصغر سو جاری اولار عطشان دللرده کباب اصغر عالم لره اود سالار لای لای رباب اصغر لای لای قوزی قربانیم آهو ملریم لای لای حقّه نجه گور جدّیم ائتدی سفر اِسرا اوج ایلدی گویلرده جنّاتیده هم ماوا دوشیمده ده سن حقّه معراج ائلدون بالا طوبی شجره یئتدون طوبی قَدَریم لای لای ای دردی اولان نسگیل هر درده چتین نسگیل بو درد چیخار یاددان او نسگیلی بریان دل عظمای مصیبتدن دلده غم ائدر منزل هر دلده غمون اوغلوم پاینده تریم لای لای ای اهل حرم گتدیم کمیاب ترین جوهر بحر قانی گوردوم من گتدیم قیزاران گوهر تابنده دی گونن بیر تابنده ترین اختر قان حلقه سی حُلقینده ای ماه بریم لای لای چیخماسین آناسی اول اخیامیدن افغانی تا گورمیه بیچاره بو وضع پریشانی زینب آلا قونداقی ای ربیُ و سبحانی زینب دئگیلن مننن ای صود امریم لای لای ((مخلص)) اِله پاکیزه هر گونه کدردن دل آیینه مثال اولسون تا لایق بیر محفل طیّب کلمات اوردا دائم ائلسون منزل اوندا دئگیلن اصغر شاه هنریم لای لای اعضای سخن سازه چک آب وضو دائم دائم اولا تا کلمات هر شاکله سی سالم سالم چون اولا سوزلر دلده اوتورار قائم اصغر نه گوزل کلمه ، ای پاکتریم لای لای ****** عباس عینی چونه خان(مخلص) برچسبها: عباس عینی مخلص
+ نوشته شده در دوشنبه ۲۷ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
