|
نوحه امیرالمومنین حضرت علی (ع) هاردا قالوبسان فاطمه مشکل گشا مشکلده دی محراب مسجده دوشوب شیر خدا مشکلده دی تنهای تنهادور علی مظلوم دنیادور علی گل که ولی داورین یوخ باغلیان باش یاره سین گلسین مداوا ایتمگه لقمان تاپانماز چاره سین سال باشووه جناتیده زهرا علینون قاره سین سسلن شهید نهضت کرب و بلا مشکلده دی محنت سمای کوفه ده باران کیمی بارشده دی حال و هواسی غملیدور بیر حال ناسازشده دی بسترده حیدر یاره لی آللهه بو خواهشده دی ئولدور علینی دمبدم یا ربنا مشکلده دی شمشیر زهر آلود ایدوب منشق علینون باشینی ایلور طبابت زینبون اما توکور گوز یاشینی یاندیم گلون امدادینه سسلور ایکی قارداشینی بیلمور که آیا نیلسون اول بینوا مشکلده دی قرآن تلاوت ایلیور کلثوم عجب احساسیلن آغلار گوزیلن صحنیده آوای حزن و یاسیلن آرام او مظلومی ایدور ام البنین عباسیلن رام ایلینمور باجی سین کان وفا مشکلده دی صوت نوای یا علی بیت ولایتدن گلور هر نغمه ایی که فاش اولور غملی حکایتدن گلور فزت و رب الکعبه هی نای امامتدن گلور جان اوسته آلله گور نجه دوتقون صدا مشکلده دی روح الامینون ناله سی اوج سمادن باشلانوب مظلوم عالم یا علی عرش خدادن باشلانوب الله و اکبر نغمه سی آل عبادن باشلانوب تک نه علی المرتضی آل عبا مشکلده دی مینلر نبردین فاتحی یورقوندی آلله خسته دی اشکین تمام انبیاء توکسه یوزه شایسته دی چونکه امیرالمومنین مولا علی جان اوسته دی دنیاده اسلامه اولان صاحب لوا مشکلده دی آز قالدی اهل عالمین نیسگیل قلوبین داغلیا یوز یرمی دورت مین انبیاء آماده دی قان آغلیا ایستور محمد (ص) گوردیلر باشین علینون باغلیا هم خانوار مرتضی هم مصطفی مشکلده دی معناده محشر باشلانوب ایلور قیامت فاطمه گورمور غریب کوفه نی آلله سلامت فاطمه واردی جمالینده گورور نور شهادت فاطمه بیر اللی زخم یارینه قویسون دوا مشکلده دی آلله یولوندا مرتضی حظ ایلمکدن دویمادی حتی ئولونجه اگنیدن تقوا لباسبن سویمادی قیلسون نماز صبحینی دشمن علینی قویمادی کفریله مسلم دایمی صبح و مسا مشکلده دی بیردی هدف انسانلارا آختارسا هر کیم ریشه نی آی شیعه و سنی سالون دنیایه بو اندیشه نی مولا علی تک عترتوز دوتسونلا دوزگون پیشه نی هر گز بو دنیا گورمسون قوم دو تا مشکلده دی پیر خرفتی بوشلیون جهل و عناده دورمیون یعنی ولی اللهیلن عهد ایلدوز سیندیرمیون عمروز نه قدری باقیدی حبل المتینی قرمیون قرسوز همانا بینشوز لیل و دجا مشکلده دی ای اهل تحقیق و نظر انصافوز اولسا عالیدی حقی بیلون کتمان ایدن عقباده دست خالیدی حقدن حمایت ایلین روح الامینون بالیدی والله ائمه اولماسا آب و هوا مشکلده دی بیر لحظه مهدی اولماسا یل قوزانوب طوفان اولار یوم قیامت باشلانوب دنیا دونوب ویران اولار پاینده آللهدان صورا بیر عترت و قرآن اولار هر کیم گتورسه بو سوزه واللهی لا مشکلده دی طبعین فرآیندی یغوب کلماتی ابیات ایلدی حسنین خلوص قلبیدن اهدای اموات ایلدی دوندی تلاوت ((گوهری)) بیر حمد و صلوات ایلدی گوردی یازاندا چوخ هله طبع رسا مشکلده دی ****** فرهاد گوهری برچسبها: فرهاد گوهری
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
