|
زبانحال حضرت رقیه(س) درخرابه شام ویرانه گتوردی منی نی تک دیله عمه دور بیرجه علاج ایله بو درد دیله عمه اولگون که بو شام ایچره منیم اولدی ورودیم یتدی درجات غمه هر دمده صعودیم سیراب اولوب اوز اشکمیله نخل وجودیم تحصیل ایلیوب غم گتوروب حاصله عمه مدّتدی بولورسن یوخی یوخ عمه گوزومده منزل ایلیوب قافله ی اشک یوزومده چوخ واردی هراسیم ایدرم خوف اوزومده بو منزلی ویران ایده بو قافله عمه گوگلوم ایوینی محرم ایدوب تیر شماتت یک دیلدی منیله دم پیکان ملامت هر لحظه یتر سرزنش خار محبت پای دل مجروحیم اولوب آبله عمه محروم ایلدی جور خزان چونکه گولیمدن گل ذکرى ئولنجه دوشه مشکلدی دلیمدن غربت وطنیم آیری قبیلمدن ایلیمدن لایقدی اجل اشکیمی یوزدن سیله عمه ویردوقجا شب هجرده درد غمه من دم ویرّم دم صبحه دم گرم غمیلن دم از بسکه سر زلف علی اکبره بندم عمریم توکنور حال پریشانیله عمه من ایسته میشم درد غم اوزگه هوسیله ویرانه نی روشن ایدرم هر نفسیله ایندی اویادور عالمی بانگ جرسیله چون قافله ی عمر یتور منزله عمه معتادیدى بیر بلبلیدیم عطره دماغیم گیتدی گل و گلزار صولوب گلشن و باغیم آخرده قوری یردی نه وار فرش و چراغیم نه بیرجه بولن دردیمی خونابیله عمه دریا کیمی از بسکه گلوب موجه ملالیم مستغرق اولان حالینه تشبیهیدی حالیم آز قالدی داشا باشدان آشا بحر خیالیم جان زورقی مشکلدی چیخا ساحله عمه چوخ چکدی ندندور بابامون گزدیگی راهی نه گلدی سفردن اوزی نه گلدی سپاهی سن بیله دیدون کیم گله جاق عمه صباحی بیر گون چکه آز قالدی یته بیر ایله عمه ایندی بابامی عالم رویاده گوروردوم لطف ایتماقا بیکسلره آماده گوروردوم باشیمده ید الله الى معناده گوروردوم بس نولدی مرادیم داخی گلمز اله عمه آزادم اگر چه ایلیوبلر منی مغلول وصل آختاران عمه اولی بو شغلیله مشغول هر آن اوجالور دست سئوالیم بودی مسئول تا دامن وصلت یته بو سائله عمه بو عرضیم اگر چه ایده جکدور سنی دلگیر ویر شمره خبر ایلمه بو باره ده تأخیر آخر ئولورم اینجیدیری بوینومی زنجیر ای سلسله ی عشقده سر سلسله عمه بو حال دلیله بو غم و دردله بوللم عمر ایلمرم گوشه ویرانه ده ئوللم حسرت اتکیمله گوزومون یاشینی سیللم سیلدوقجا گَلور تا یته خون دله عمه یاندی اورگیم بیرجه بو احواله یانان یوخ دل ناله سینه بو دل شبده او یانان یوخ غم ناوکیدور هی توخونور قلبه دوتان یوخ ویرمز گلن اوخ بیر بیرینه فاصله عمه (( صافی )) نه روادور که خواتین مدینه اول شام خراب ایچره قالا زار و غمینه بیشک دیوری قبرده بیچاره سکینه ویرانه گتوردی منی نی تک دیله عمه مین ایل یازاسان (( صافی)) بو محنت باشا یتمز هر دیلده که وار داغ سکینه داخى بیتمز ایتسن نه قدر خدمت اونا بول هدر ایتمز البته ویرَر خادمینه چوخ صله عمه ****** مرحوم میرزاکریم صافی تبریزی برچسبها: میرزا کریم صافی تبریزی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
