|
اتمام حجت حضرت امام حسین (ع) به لشکر کوفه ای جماعت من حسین جدیم رسول الله دور ناطق قرآن آتام ثانی خلیل الله دور رونق دینم امامم عرشیدن اعلا منم باعث ایجاد خلقم علمده دریا منم چون ذبیح کربلا و معشر و منا منم بو سببدندور حسینین قانی ثاراللهیدور دور ایدر اجرام علوی انجم و اختر مدام بیر وجوده بسته دور موجود کل خاص و عام من لسان الله ناطق وارث خیر الانام طوریده تعلیم آلان مندن کلیم اللهیدور باغلیوبسوز بو فراتی تشنه دور آل عبا ایلیولر خیمه لرده ناله و شور و نوا بیر جه جرعه سو ویرون سیز ای گروه اشقیا سیز بلورسوز آل احمد جمله آل اللهیدور اولمیون مانع منه تا یثربه ایندی گیدیم ئولدوروبسوز یاور و یاریم منیم گریان گیدیم اصغریم اوخلاندی تشنه با غم و افغان گیدیم روضه جدیم بیمبر مثل بیت اللهیدور یا ویرون یول عزم ایدیم روم و فرنگ و زنگه من دوشموشم وحدتدن اوتری کربلاده تنگه من گلمدیم بو سرزمینه سیزلریله جنگه من بو سوزه شاهد خدادور مطلبه آگاهیدور ای جماعت کربلا کوه منا دور من خلیل راه عشقیمده بو قانی ایتموشم سو تک سبیل ایتموشم عهد و وفا من اولموشام عشقه دلیل مست صهبای الستم عهدیم عهد اللهیدور بیر طرفده عون و فضل و جعفریم القان اولوب بیر طرف عباس و اکبر قانینه غلطان اولوب بیر طرف اصحاب و یاریم قانینه الوان اولوب سویلیون واردور جوابوز بو نه رسم و راهیدور ال چکون مندن منم اسرار حقین مخزنی من رموز عشقه دارایم تانور سوز سیز منی اولمیون راضی خزان اولسون بیمبر گلشنی بو حسین مست حقیقت هم فنا فی اللهیدور راضیم تعجیلیله ظاهر اولا اسرار حق شرحه شرحه بیکریم باشیم جداده چون ورق اغلیور (( بیضا )) عزاداره ویرور نظم و نسق دلده ذکری واحسینا ذکری آل الهیدور ****** مرحوم بیضای اردبیلی
برچسبها: محمدصادق بیضای اردبیلی
+ نوشته شده در پنجشنبه ۱۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
