|
پرچم عباس(ع) وارحرمتی نصب اولسا هر یانه یاشیل پرچم منسوبیدی سقای عطشانه یاشیل پرچم ماهیت هر قومی ایلر بیر علم اعلان قرمز علم هر یرده اسدیقجا دیر قان قان اول پرچم حسینیدور عاشقلر یچون عنوان اما علم سبزی عباس اوجادوب یاران پیراهن فاخردور قرآنه یاشیل پرچم کیم اولسا پناهنده بو سبز علم آلتیندا سینماز کمری هرگز بار الم آلتیندا اولسون گرک عشق اهلی تپراق قدم آلتیندا آزاده ذلیل اولماز تیغ آلتیندا عزت ویرر احرار دورانه یاشیل پرچم وار هاردا حسینیه عباس آدیدا واردی جان روحیدن آیریلماز تاارض و سما واردی هر یرده یاشیل گورسن یانینده قرا واردی بین بو ایکی قارداش بیر ئوزگه صفا واردی یول گورسدر عشاق نالانه یاشیل پرچم کیم دلدن اولان واقف گر منصب عباسه پیوسته نماز اوسته ذکر شب عباسه معناده ویرار بوسه پای و لب عباسه گئتمه در اغیاره گل موکب عباسه قورخما یتورر دردین درمانه یاشیل پرچم اسلام علمین بیر گون عباس آلینه آلدی نه جان یادینا دوشدی نه گوز هاینا قالدی قوللار کسیلوب سانما روحیه سی سستالدی سو فکری حسین دردی سرداری یره سالدی دوشدی دیدی گل مولا میدانه یاشیل پرچم تا پرچم الیمدیدی دشمنلر اوزاقدیدی ال گیتدی ولی پرچم سینمده قوجاقدیدی دندانه آلوب مشگی جان تشنه دوداقدیدی شمشیر آتا بیلمزدی هر کس که قباقیدی وحشت سالوب اسدیقجامین جانه یاشیل پرچم اما امان اول وقتدن جرأت گلوب اشراره پرچم ایلدی لنگر دوشدوم غم دشواره گل آل علمون قارداش یاس ساخا علمداره آز قالدی فرات اوسته زهرا گله دیداره یاتدی باشیمی سالدی طوفانه یاشیل پرچم ال گیتسه ده پرچمدار ساخلار علم جنگی ای سرور مظلومان درک ایله بو سرهنگی باخ پرچمه قانیمله قرمزدی یاشیل رنگی آئینه ی غیرتدن سیلدیم لکه ننگی شاهد دی تجلای عرفانه یاشیل پرچم ای صاحب پرچم گل عباسی یتور کامه قویما علم قرآن دوشسون ید ظلامه ایستور بونی غارتگر سوغات آپارا شامه من گر چه الیم یوخدی سرلشگرم اسلامه قویمام یتیشه دست عدوانه یاشیل پرچم بیر عمر گرک زینب مأنوس فغان اولسون قانلی علمی آلسون گر قیمتی جان اولسون گیتسون وطنه یار نسوان زمان اولسون هر یرده عزا دوتسا مندنده نشان اولسون ائتسون نبوی شهرین غمخانه یاشیل پرچم یازنوحه((کلامی)) چون فرصت ایله بو دمدی دللرده اولان شعرون گر چه قره پرچمدی اما بو یاشیل پرچم سانما قره دن کمدی وار نسبتی عباسه پس قدری مکرمدی باش قوزیوب ایوان کیوانه یاشیل پرچم ****** کلامی
برچسبها: ولی اله کلامی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
