|
درشهادت حضرت رقیّه (س) وقت او وقت اولدی یوموب گوزلرینی بلبل عشق اسدی طوفان بلا صولدی سارالدی گل عشق قانلی لبلردن ئوپوب جنّته ووردی پل عشق میزبان ایستمدی تک سالا مهمانی یولا دیدی دلبر گرک ئوز یارینه قربانی اولا آلدی تا زحمتیلن قانلی باشی سینه سینه شام ویراندا یاتانلار اویانوب ناله سینه وای رقیه سسی ضم اولدی حسین وای سسینه دل نسوان حرم درد و محندن یاندی قره معجرلره بیر تازه عزا باشلاندی اولدی وصلت گئجه سی زینبه هجران گئجه سی شامده اولدی به پا شام غریبان گئجه سی بیلمدی نیلیه زهرا قیزی بحران گئجه سی الی قوینوندا گهی سسلدی قارداشیم وای آغلیوب گاهی دئدی خورداجا یولداشیم وای دئدی نسگلدی منه بو دل ویرانه حسین غم و محنت گتیرور قلب پریشانه حسین دولانوب دووروه از بس بالا پروانه حسین عشقون عالمده بو عاشق سنه بیلدیردی حسین قانلی باشون غمی پروانه نی ئولدوردی حسین نئچه گون شامده مهمانیدی بو نازلی بالا سیلی لر باعثیدی قان گوزونه پرده سالا قورخورام سن کیمی نعشی بالامون یئرده قالا کوفیان تک وورا شام اهلی منه دیل دیل یاراسین تاپماسام چاره کفن ائتملییم باش قاراسین گون باتان وقتی ووراردی در ویرانیه باش اگلشوب غصّه لرین زمزمه ایلردی یاواش هی دییردی گؤروشه اکبر و اصغر گله کاش هم بابام هم عموم عباسی گله خوشلیارام گلسه لر دای بو خرابه اتگین بوشلیارام اولمازیدی غمی گوشواره گتیرسیدون اگر چاره سیز دردینه بیر چاره گتیرسیدون اگر اکبر و اصغری دیداره گتیرسیدون اگر سبب اولدون بوشا چئخسون بالامین اللرینی نه علی اکبری گتدون نه علی اصغریمی گؤزونون یاشینی خون دلینه قاتدی بالام سنی مندنده چوخ ایستوردی منی آتدی بالام گؤردی قانلی گؤزی یومدی گؤزونی یاتدی بالام نیله سون زینب اگر بو محنه آغلاماسین سن دعا ایله که الله منی چوخ ساخلاماسین ****** کربلایی ابوالفضل عباسی معروفان اهری برچسبها: ابوالفضل عباسی معروفان
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
