|
قتلگاه نيّت پاكيله آغلا شه عطشانه گوزوم اوقدر آغلا که گوز ياشي دونه قانه گوزوم بي ريا اولسا سرشگون سنه واجبدي بهشت راوي سي حضرت صادقدي بو عنوانه گوزوم كيم قورا بزم عزا صد قيله مظلوم آقاما سنده گئت آغلا او محفيلده غريبانه گوزوم شمع بزم ايله حسین آديني صبحیله مسا يان اونون شعله ی عشقينده چو پروانه گوزوم آشنا سن نئچه ايللردي حسينون آدين اوزوي فكر ايلمه سن اونا بيگانه گوزوم قاره گي كيم خبر آلسا ندي بو قاره لباس دوتموشام سويله عزا شاه شهيدانه گوزوم آغليور عدنيده الآن اونا زهرا آناسي چكديريب قاره خانيم روضه ی رضوانه گوزوم قيل وضو هيئته گل گوشه ی مجلسده اوتور صدقيلن دردوي دی حجّت يزدانه گوزوم صد قيلن سسليه سن دادوه زهرا بالا سين گلر امدادوه يوخ شبهه بو عنوانه گوزوم چاره سيز دردوه درمان ايلير پور علي گورن احسن دئير اوندا بئله درمانه گوزوم دی دمادم ئولن اللرده لب عطشان آقا وای عالمي فرض ايله بير غملي عزاخانه گوزوم اوخلاري دوزموشدي سينه ده گول مثلي آقا بنذ دوب سينه سيني غملي گلستانه گوزوم آغلا اول ساعتينه دوشدي او بحراني يره گلدي باشين كسه بير فاسق ديوانه گوزوم گوردي مظلوم آقا گوداله دوشوبدر يارالي گورجگين آتدي الين خنجر برانه گوزوم چکملی چیخدی امامون یارالی سینه سینه ساتدي دين و شرفين خلعت الوانه گوزوم بير نظر مقتله قيل بيرده دولان خيميه باخ گور نئجه عرشه چيخور آه غریبانه گوزوم كيم تسلي ويره جك ايندي بو عظما غمينه يدّي قارداش باجيسي زينب نالا نه گوزوم كينه سي جوشه گلوب شمر ستمكار و دني تابع ايتدي اوزوني نفسيني شيطانه گوزوم قويدي ظلميله ايتي خنجري تشنه بوغازا خنجري ايشلمدي حنجر عطشانه گوزوم دوندروبدر ئوزي اوسته او سو سوز جان ويرني كسدي دالدان سر شاهنشهي خصمانه گوزوم يتيشن وقته ئوره ک كامينه اول پست شقي بيلمورم اولمادي عالم نيه ويرانه گوزوم نه قدر عمر ایده دنیاده (( آخوندي )) دیه جک لعنت حق بئله بير نا كيشي انسانه گوزوم ****** حسن آخوندی برچسبها: حسن آخوندی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
