|
وداع امام حسین (ع) وداع واپسینیم دور قالور بیر آز زمان زینب مجال درد دل یوخ کوفیان ویرمیر امان زینب بو گون معبودیله ئوز عهد و پیمانیم یئتر باشه سزادور بذل ایدم جانان یولوندا باش و جان زینب دیار کربلا میعادگاه اهل ایماندی حریم بزم رازیمدور مقدس بیر مکان زینب وئریبلار سینیه عزت مدالین یار و انصاریم شهید فی سبیل الله اولار عالی نشان زینب یانار بیر اوتدی هجران داغی زینب چاره یوخ صبر ائت منه واضحدی بو غمدن اولار قدّون کمان زینب گلور سس خیمه لردن آغلور اطفالیم پوزور حالیم اماندی قویما قیزلار سسلسونلر الامان زینب بو مشکل امردور بیرده بئله بزم وصال اولسون دوباره خلوت دیدار اولا ائتمه گمان زینب حیات جاودان سیر الی الله دن اولار حاصل کلام وحی دی مصحفده ، صبر ایله دایان زینب سجایای حکیمانه سنه وئرمیش آنام زهرا اوزون عارفسن عاشورا مقام امتحان زینب اولاق اَل بیر اوجالسین پرچم گلگون عاشورا منیم قانیم ، سنون ایفای عهدون همزمان زینب گتور اطفالیمی بیر بیر وداع ایلوم آنام باجی رقیمدن مواظب اول که گتمیم ناگران زینب سنخدی قلبی دشمن گورمییوب نازین چکوب رام ایت یتینجه شهر شامه قویما اولسون باغریقان زینب اوزاق یوللاردا حامی اول باجی اهل و عیالیمدن اذیت ایتمسین اطفاله شمریله سنان زینب سیزی اللّهه تاپشوردم خانم باجی خداحافظ بئله قان آغلاما ائتمه یوزه اشگون روان زینب باجی قارداش منی تک قویمیون آخر وداعیمده سیزه بیر عمردور (پورراد) اولوبدور نوحه خوان زینب اوزوز بیر دوز سالون اشعاریمه دیلدن دله دوشسون و الّا من هارا مرثییه شرح و بیان ، زینب ****** حاج احمد پوررادی لطفی تبریزی برچسبها: احمدپوررادی لطفی تبریزی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
