|
احوالات حضرت ابوالفضل (ع) یازام ایستیرم هر اَلین سوزون گلور ابتدا سنون اللرون یازا بولمرم اَلیمه اگر کومک اولماسا سنون اللرون یتور ابتدای کلامیده کسوک اللرون اَلیمه ایله که منیم سطوح کلامیمه ویره ارتقا سنون اللرون یتور اللرون الیمه سوزی ، ایله باشلیوم، ایله قورتاریم ایدیم ایله عرض ادب سنه که اولا رضا سنون الرون ساق اَلون مصیبتینی و یا صولوون حکایتینی یازوم نجه یاردیلار باشووی نجه ، یره سالدیلار سنون اللرون سنون اللرووی بابان ندن ، آلوب اللرینه ویرنده جان اوپوب اللرون دوتوب اوز گُویه ایلدی دعا سنون اللرون اوپوپ اللرووی بو علته که جهانیانه بولوندوره ندی ارزشی ، نه مقامی وار شَه لا فَتی سنون اللرون سنه حسینی ورَن زمان ، بابان ال اَله نیه آغلادوز؟ دیین اولمادی ولی تیز ایدوب اونی برملا سنون اللرون الووی حسینون او ساربان کسَن الّلراوسته قویاندا سن اونون اوّل اللری تیتردی ،دی گوروم ویا سنون اللرون؟ اگر اهل محشره امر اولا هامی اللرین گویه قوزیه هامینین الیندن اوگون فقط گوروشر اوجا سنون اللرون یئره پرچمون او زمانیدن که دوشوب کنار فراتیده گینده نسیم صبا اَسور، ایدوری صدا سنون اللرون کیم اونی فرات کنارینه گوتوروب وروب ، دئیه لر منه دیرم باجون وروب اَل ، ولی یتوروب اونا سنون اللرون ایلییوبله نقش علملره ، کسوک اللرون بودور علتی گیده کیم حسینون عزاسینه اولا رهنما سنون اللرون نه قدر معابره شهریده ورولوبدی سبز و سیاه علم اولاری حسین آدینا ووروب هامیسین آقا سنون اللرون تاپا بیر مریض شفا اگر ، او کسه شفانی خدا ویرَر ولی خلق بیله دیر ، ویروب اوکسه شفا سنون اللرون بو کفایت ایلر او الّلره که گوروب دوشوب یئره اللرون یره دوشدی قویدی یوزون اوپوپ شه کربلا سنون اللرون سنون اللرون نه ادبلدی سو الونده تشنه اولا اولا بوشادوب سووا ،سووا ایتمدی اوگون اعتنا،سنون اللرون کیم ایده بولردی او جرأتی ویرا خیمه گاه ربابه اوت یئره سالماسیدی اوگونکی گون اگر اشقیا سنون اللرون سالوب اوّل اللروی صورا ، باشووی بو علته یاردیلار که باشون یاراسینا قویماقا داخی اُلماسین سنون اللرون سنون اللرونده نه وار سنه ، بالالار سو مشگینی ویردیلر دیوب العطش ایلموردولر نیه بس رها سنون اللرون ئورگینه قویدی بو نیّته الووی رقیه سرینلسون ئورگی بولوردی فراتیده دگجاق سووا سنون اللرون بو قدر گناهیله (( گلشنی )) اگر ایسته سه اولا تبرئه عرصات حشرده تک اونا اید ر اکتفا سنون اللرون ****** محمد گلشنی تبریزی برچسبها: محمد گلشنی تبریزی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
