|
زبانحال امام حسین(ع)در وقت وداع یتوبدی وقت شهادت باجی خداحافظ بو سن بو آل رسالت باجی خداحافظ زوال وقتی اولور چون شهادت امری تمام گللّه خیمه لره اشقیای کوفه و شام وئرلّه لشگره فرمان سَنان و شمر لعین وورالّا خیمه و خرگاهیمه شرارۀ کین اَلولاناندا چیخون خیمه دن کناره باجی هامی چوله داغیلون یوز قویون فراره باجی اؤزون او حالده بیمارین اول پرستاری چکوب کناره چک اوتدان کناره بیماری طناب ظلمه سیزی باغلیوب ائده للر اسیر ائدر مفارقتیم اهل بیتیمه تأثیر خصوص نازلی سکینم منه چوخ الفتی وار اونا بولورسن اوزون قلبیمون محبتی وار ائدن زماندا فراقیمده ناله و زاری آلوب قوجاقه اوزون وئر او طفله دلداری دئسه بابام هانی بس هاردادور علی اکبر سؤله ائدوبدی آتان قارداشون حجازه سفر منی خیاله سالوب آغلیاندا وئر تسکین دئمه یتیم اولوبسان صولوبدی گل رنگین خرابه ده گئجه لر آج سوسوز قوری یرده صباحه تک ائده جاق ناله هجر اکبرده او قدر گوشۀ ویرانه ده بو طفل یتیم آتا دیر ائدر آخرده جانینی تسلیم غریب عیالیمه مندن صورا پرستار اول گئدونجه شامه هامی اهل بیته غمخوار اول دگوبدی بیربیره بو سوزده عترت اطهار آلوب آرایه او سلطانی خورداجا بالالار یاپیشدی دامنینه عرض ائدوب سکینهٔ زار اماندی هر یره گتسن منی یانونجا آپار منی آیرما اوزوندن قالانمارام سن سیز قرار خیمه ده سن سیز دوتانمارام هرگز اگر چه گلمز الیمدن ائدم سنه امداد او قدر عجز ائده بوللم که رحم ائدر جلّاد اگر سنون قاباقوندا وورانمارام شمشیر ولی باشارّام ائدم جانیمی نشانۀ تیر دوشوب یانونجا پیاده سوار تک گئدرم سنون یولوندا بابا جانیمی نثار ائدرم دالینجا ئولماقا گتسن قاچا قاچا گللم که بیر دقیقه سنی گورمسم یقین ئوللم منیم اولوبدی یریم دائماً قوجاقوندا نه نوع تاب ائده بوللم غم فراقوندا قسم حیاتوه کیم مایۀ حیاتیمدور الیمده دور اتگون باعث نجاتیمدور محالیدور بوراخام من بو دامنون گئده سن مگر انوب یره آتدان بو طفلی شاد ائده سن زمانه یاندوراجاق آتش فراقه منی قرار سابقیله بیرده آل قوجاقه منی ترحّم ایله گوزومدن آخان بو گؤز یاشیما او مرحمت الوی بیرجه چک منیم باشیما او ظلمی کیم ائده جاق شمر دون عیاندی منه یتیمیلیق غمی هر دردیدن گراندی منه گتور دوداقلاریوی قوی بو تشنه لبلریمه یتیملر کیمی ال چک باشیما تللریمه نقدر لطف ائده سن بو رقیّه یه یریدور زمان عزّتیمین چون زمان آخریدور زمان عزّتیمی ذلّته مبدّل ائدر منه بلالری سندن صورا محوّل ائدر نه اینکه باشیمه کیمسه وفادن ال چکمز ئولونجه شمر ستمگر جفادن ال چکمز غرض بالالارین اول شاه او چولده ترک ائتدی قتال لشگر اشراره قصد ائدوب گتدی ****** مرحوم میرزا عبدالوهاب حقیرخویی برچسبها: میرزاعبدالوهاب حقیر خویی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
