|
احوالات خانم ام البنین (ع) یتوشدی حضرت ام البنینه تا بو خبر شهید ایدوبدوله اوغلانلارینی قوم کفر ایشتدی بو سوزی اشکیله گوزلری دولدی اوغول اوغول دیدی، شیونیله زلفینی یولدی آخاردی اشگی یوزه متصل چکردی فغان ایدردی یثربون عورتلرینه بیله بیان سیزی قسم ویرورم کردگار ذوالمننه مخاطب ایتمیون ام البنین بیرده منه ایدنده سیز منی ام البنین آدیله خطاب خدایه آند اولا قالمور ئورکده طاقت و تاب گوزومده جلوه لنور نوجوانلاریم یانورام آخور گوزوم یاشی بی اختیار ، اودلانورام من ایندی باشیمه دورت قاره سالموشام بیردن محالیدور که سالام بیرده آدلارین دیلدن شور جهانه سالار آه و ناله سردیم مدینه اهلی ، منیم بسدی دیلده کی دردیم نه نوع داغلامیوم سوز غمله سینه صاف نئجه من آغلامیوم ایلیون اوزوز انصاف جوانلاریم قیریلوب ظلمیله یانور جگریم سزادی قانه دونه گوزده اشک چشم تریم روادی بیر آنانون دورت جوانی بیردن ئوله اونون یانان دلی بیرده شاد اولا جهاندا گله؟ کرامت ایتموشدی حق ، بو زاره نچه بالا اودور منه هامی ام البنین ایدردی ندا دولاندی دوره یتوب آه و نالمون فصلی دیوله وای منه بیر سوز ، گر اولا اصلی بیله دیوله او کسلر که کربلاده حاضریدی تمام حالت عباسه اوردا ، ناظریدی بیله روایت ایدور کیم او زبده ناسین سالوبلا قوللارین اولده اوغلوم عباسین ایدوبله تیر جفائیله مشکینی پاره کسوبله چاره یولین ظلمیله او سرداره خراب اولیدی گوروم کاش عالم فانی دولاندی سو یرینه مشکینه قزیل قانی دیوله وای منه کرب و بلاده قوم عنید ایدوبله اوغلومی لب تشنه ، سو یانندا شهید ووروبلا آنینا اوخ ، چاک ایدوبله سجده گهین آخوبدی قرمزی قان صورتین دوتوب او مهین او قدر جسمینه یاره ووروبدی کوفه لیلر وجودی اوخدان آچوب شاهباز تک، چون پر آناسی وار یئری غمدن اگر ئولدوره اوزینی دیوله تیریله نابود ایدوبله ساق گوزینی نهایته یتوروب ظلمینی او قوم عنود ووروبدولار بالامون شامیان باشیندان عمود الی یوخیدی قباقه ویره او دلخسته یئره دوشنده آتندان دوشوب یوزی اوسته دیمم که داش عدو اوغلومون، باسوبلا باشین دیوله کوفه ده آت بوینونا آسوبلا باشین گرک بیر عمر ایدم بو سوز اوسته آه و انین جدا باشندا اونون باشی دورمیوبدی یقین آنان ئولیدی اوغول گورمدیم او حالوی من دیوله ، اودلانورام چکدیقون ملالیوی من منیم بالامی بولورسوز اوزون قولی واریدی تاپییدی ال اونا ، آیا کیمون یولی واریدی گرک فغانیله لرزه مهر و ماهه سالام بسان شیر ژیان ، پنجه صاحبیدی بالام اوزون قولی واریدی چوخ بلند قامتیدی بلند قامتی ، مردانه لیق علامتیدی یقین عدو بالامون اختیارین آلموشدی ازلجه قوللارینی اهل کوفه سالمشدی شجاع ناسیدی اولمازدی جنگده مغلوب بو امر رزمیدی هر کیمسه دن، دگل مطلوب آنان ئولیدی اوغول بو غمون گراندی منه قولون اولیدی اگر کیم یاخون دوشردی سنه الوندن آلموشیدی تیغیوی او قوم شریر محال امریدی روباهه ، دستگیر اولا شیر بو غم بو غصه المیدن آلور قراریمی ، آه که ایستوری سنی مندن بو اوغلون عبدالله صولان یوزین گورورم آرتوری ملال و غمیم اوشاقلیقندا فلک قویدی ظلم الیله یتیم گیدور هارا گیدورم ، منله آغلوری قان یاش بو گوندن ازل ئولیدی اوغول آنان ای کاش که ئولماقون بیله معلوم اولور ایدوب احساس سوال ایدور آنا بس هاردادور بابام عباس؟ خوشام بو باره ده اولدون اوغول حسینه فدا صودوم حلالون اولا یاخشی حقین ایتدون ادا دخیل دوشگله (( حامد )) بو زبده ناسه بو قدر ویرمه گلن طول حال عباسه ****** علی اکبر حامدی تبریزی برچسبها: علی اکبر حامدی تبریزی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
