|
زبانحال رباب (س) یاندیرور عطش سنی شیر خواره اصغریم یات گیدوب عمون سووا ماه پاره اصغریم ایستمیوب فلک وفا ذرّه آل یاسینه صبر ایله بیز آز بالا باشوون قضاسینه گیتدی علقمه عمون دردوون دواسینه اولماسین دعا ایله مشکی پاره اصغریم گر چه اود دوشوب علی جسم و جانه آغلاما گوز یاشیم منیم اوغول دوندی قانه آغلاما چنگ ویرما سینه مه یانه یانه آغلاما آغلاما بو قلبیمه ویرما یاره اصغریم بو گچن گیجه بالا تنگ اولوب جهان منه سالمیشام گذاریمی من یوخومدا گلشنه گوردوم اوردا غنچه گول وار شباهتی سنه آچمامیشدی گول هله آشکاره اصغریم تند باد اَسَن زمان گلشنون رواقینه چیخدی بیر تیکان او دم غنچه نون بداقینه باخدی لیک اجل گوزی مشتری سیاقینه غنچه گول دوشوب یئره باخدی خاره اصغریم غنچه گول صولان زمان غملی سینه داغلادیم ساخلادیم اَل اوسته من یاپراقیلا باغلادیم بو علامته اوغول شدّتیله آغلادیم سوزدی آسمانیدن بیر ستاره اصغریم سالدی بو یوخی منیم آشیانیمه شرر اللریم دعاده دی اولمیا سنه خطر قورخورام که چکدیگیم زحمتیم اولا هدر بیللم اوندا اولمیشام بختی قاره اصغریم دهریده گرک قضا یازدیقی اولان اولا چوخ چتیندی هر کیمون عزّتی یالان اولا باغبان باخا گوللری تالان اولا ایلرم گلایه سین روزگاره اصغریم ****** حاج نادر بابایی برچسبها: نادر بابایی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
