|
شجاعت حضرت ابالفضل العباس (ع) یازدی قلم بیرده سوزون احساسه خاطیر نشر ایلدی سوز بیر دل حساسه خاطیر گلدی بیانه سوزلرون بو یازماقیندان شرمه دوشوبدی دشمن خناسه خاطیر هم شعری عنوان ایلوری شاه بلایه هم ده یازیر شعرون او پاره یاسه خاطیر شرم ایلوری تا یازمیا مطلب سوزوندن اما دئیور شعرون امیر الناسه خاطیر آری اوتاما یاز قلم هر دم سوزوندن ختم ایله گوهر مدحینی الماسه خاطیر یعنی شجاعتدن دینن ، غملر پوزولسون عنوان ایله سن شعریوی عباسه خاطیر یاز ای قلم مدح و شجاعتدن مکرر عنوان ایله شخصیت عباس حیدر بیر عبد ناب اولدی علی اوغلی ابالفضل سقا حساب اولدی علی اوغلی ابالفضل هرکس سؤال ایتدی که کیمدی چوخ وفالی هر دم خطاب اولدی علی اوغلی ابالفضل آری علمدار اولماقا دشتِ بلاده دوز انتخاب اولدی علی اوغلی ابالفضل اوز باشینا یول گتمه دی آلدی اجازه جنگه جواب اولدی علی اوغلی ابالفضل سو تئز گتیر بو خیرداجا قیزلاره خاطیر در فکر آب اولدی علی اوغلی ابالفضل دوشمنلره یوز ویرمدی میداندا بیر باش یوم العذاب اولدی علی اوغلی ابالفضل میداندا چاتدی سسلدی آی قوم کفار خصمه سراب اولدی علی اوغلی ابالفضل هرکس که قورخور،قاچسی بیر یرده دایانسین پا در رکاب اولدی علی اوغلی ابالفضل دوشدی یولا نیزه الینده اشجع الناس حیدر کیمین جنگ ایلدی میداندا عباس سسلندی ای قوم خطا کار و گنه کار ای قوم بدکردار و ای قوم ستمکار من حامی دین حسین بن علیم ساتمام یزیده دینیمی اولمام هوادار ایکی جهاندا اولمیشام زهرایه نوکر ام البنین تک اولموشام زهرایه غمخوار عباس علی اوغلی ابالفضلم بیلون سیز دینی حمایت ایلرم اولمام سیزه یار آری ابالفضلم علمدار و سپهدار طوفان کیمین من ایلرم میداندا پیکار رخصت اگر ویرسه آقام جنگ ایلرم من بیر یئرده ئولدورم تمامه قوم اشرار وئرمم اجازه بیر نفر اولسا نفس کش بیردم باخانماز خیمیه بو قوم بدکار گر دوشسه ده قوللار بدندن یوخ هراسیم جنگ ایلرم تا او زمانی که نفس وار یوزمین دنه اولسا امان نامه چو حاضر وئرمم حسینین بیر توکون دنیایه خاطیر ****** سیدهادی موسوی نوشاد برچسبها: سیدهادی موسوی نوشاد
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
