|
زبانحال امام (ع) بر بالین برادر گلمیشم اخا هرایه دور گیدک خیامه قارداش دوندی خیمه غم سرایه دور گیدک خیامه قارداش ای امید آل طاها ، وی حرملرین پناهی قویما قیزلارین اوجالسون خیمه لرده دود آهی نذر ایدوب رقیّه احسان بیرده گورسه سر سپاهی چرخیدن ایدور گلایه دور گیدک خیامه قارداش قوللارون سلامتیدی نهر علقمه گیدنده اولمویا وجود پاکی سالدی اهرمن کمنده یا ساتاشدی بد نظر گوز اللرون هانی بدنده فاطمه گلوب عزایه دور گیدک خیامه قارداش اشکینی عذاره حیدر حالووه باخاندا باغلار فاطمه الینده معجر باشون اوسته سینه داغلار غلمر آشناسی زینب خیمه لرده ایندی آغلار قالخوب اللری دعایه دور گیدک خیامه قارداش گورسنور غبار ماتم میر لشگریم یوزونده آیریلیق هواسی گوردوم سن گیدنده من سوزونده وای منه بو اوخ نه اوخدی سانجیلوبدی ساق گوزونده وار سوزوم بو کربلایه دور گیدک خیامه قارداش گورمیوبدی چرخ گردون سن کیمی سوسوز فدانی تشنه یاتماقون سو اوسته حیرته سالوب منانی اوخشیور ملک هواده وپراقا دوشن همانی منده گلمیشم نوایه دور گیدک خیامه قارداش منتظر ستاره چوخدی ای قمر غم ایچره باتما اولما ناگران عَلَمدن قانووی ترابه قاتما ساخلارام الیمده پرچم دور گیدک خیامه یاتما دوشدی فرصت اشقیایه دور گیدک خیامه قارداش قوللارون دوشنده بیلدیم گیدی جنّت اهلی قاره سن کیمی وفالی قارداش گلمیوب بو روزگاره وای منه بو کربلاده گون دونوبدی لیل تاره اولموشام رضا قضایه دور گیدک خیامه قارداش خیمیه سسون گلنده قلبیدن قراری آلدی گیتمگون بو آز زماندا گور منی نه حاله سالدی قامتیم کمانه بنذر ، دیزده طاقتیم آزالدی دشمنون ورار کنایه دور گیدک خیامه قارداش (( نادرم )) آقا بیلورسن لطفووه منیم گوزوم وار عاشقم مزار پاکه نه قرار و نه دوزوم وار نهر علقم اوسته گلسم اوردا یازمالی سوزوم وار گللم اوندا التجایه دور گیدک خیامه قارداش ****** نادر بابایی برچسبها: نادر بابایی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
