|
احوالات حضرت ابوالفضل (ع) گوردی شه نهر اوسته قولسوز تشنه سر لشکر دوشوبدور بیر یانا قانلی لواسی بیر یانا اللر دوشوبدور **** قان آخور خونریز باشندان گول یوزه شبنم دوزور قان غم یازور رخساره هجران رشته وصلی اوزور قان توپراقا سروین یخوبلار قول بوداقندان سوزور قان شاهباز اوج همت توپراقا بی پر دوشوبدور قارداشی آغلاتدی قارداش گلدی دیلدن سوز یارالی ایستدی اوپسون یوزوندن گوردی اما یوز یارالی تن یارالی ال یارالی باش یارالی گوز یارالی گوئیا خندان یئر اوسته بیر گل احمر دوشوبدور بولدی نه حاله قالوبدور قانه باتمیش جامه سیندن قانلی پرچم ایلور اعلان جسمنون هنگامه سیندن باشینه یاره دگوبدور قان آخور عمامه سیندن خاک و خون ایچره یارالی چون او شه منظر دوشوبدور آچدی گوز گوردی وزیری شه دوروبدور باشی اوسته سسلدی سینسا رضایم جام دل غم داشی اوسته فخر دور ئولدورسه لر گر قارداشی قارداشی اوسته من سنه قربان سنوندی یئرده بو پیکر دوشوبدور سیدی اودلی ئورکده حسرتیم وار آغلارام من اولمادی سو قیزلاروندان خجلتیم وار آغلارام من آغلیوب آرتورما محنت محنتیم وار آغلارام من آغلا اوندا یئرده گورسن پیکریم بی سر دوشوبدور اودلی حالی سر سپاهین عالمی ناره باخوردی ساق صولا دوندوقجا هر دم یاره لردن قان آخوردی خیمه گهدن رزمگاهه خیرداجا قیزلار باخوردی گوردی اولدوزلار خسوفه اول مه انور دوشوبدور سسلنور زینب حسینیم درد و محنتدن اوسانما خیمه لر محشردی قارداش ممکن اولسا گل دایانما غصه مرگ اولدی اوشاقلار رزمگهده چوخ یوبانما گل نجه گور اضطرابه آل پیغمبر دوشوبدور زینبه آندوردی رمزاً قارداشیم یالقوز قالوبدور جسمدن عباسین آخر اللرین اعدا سالوبدور اللرینده تیغ و نیزه دوره سین شکر آلوبدور باشینی کسسون بو فکره قوم کین پرور دوشوبدور بو ایکی قارداشی دشمن تا آیرسون بیر بیریندن لشکره فرمان ویریلدی اوینادی لشکر یئریندن شاه دین یکسر داغیتدی دشمنی دور و بریندن سسلنوب الله اکبر وحشته لشکر دوشوبدور غیظلن شمشیر چکدی تاب دل لشکردن آلدی سر سپاهین انتقامین قوم کین پروردن آلدی ایلدی حمله سپاهه قارداشین اللردن آلدی بیر شهامت گوستروبدور حیرته گوگلر دوشوبدور گوردی آثار ئولوم وار شاه دین صاحب علمده تا ایکی قارداش یارالی یوز یوزه قویدی او دمده خورداجا قیزلار او دمده قول بویون اولدی حرمده خیمه گاه شاه دینه شورش محشر دوشوبدور (( اعظمی )) باب الحوائج مجلسی بی نیت اولماز آغلاسا عباسه هر کیم قبر ایوینده محنت اولماز آغلا بو محنتده سنده بیله غملی صحبت اولماز گوردی شه نهر اوسته قولسوز تشنه سر لشکر دوشوبدور ****** مرحوم حاج بیوک اعظمی
برچسبها: بیوک اعظمی تبریزی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
