|
حالات حضرت صغری(ع) گلوبدی درد فراقونده درده جانیم علی وطنده یوخدی منیم بیر کسه گمانیم علی گیجه گونوز نئچه مدتدی تیکمیشم یولا گوز دیور منه ئورگیم درد هجره صبر اله دوز اگر بیزیم آرامیزدا اولوب گلایه لی سوز آتوب گیدوب منی گوزدن ندن کسانیم علی سالوبدی اللریمی چرخ دون وطندن اوزاق مرض سالوب منی جاندان سیزون گوزوزدن ایراق توان و طاقتی الدن آلوبدی درد فراق سوموکلریم اریوب قالمیوب توانیم علی نجه کی محتضره تنگ اولار بدنده نفس اجل تری دوزولور آلنما چکنده نفس سن آیرلوب گیدنی تنگ اولوبدی منده نفس قفس اولوبدی کاًنّه ئوز آشیانیم علی بو چرخ کج روشون مغرضانه گردشی وار همیشه ظلم و ستم اهلینه گرایشی وار مگر جهاندا آناسیز قیزون نه ارزشی وار نه جرمه متهمم باشووه دولانیم علی فلک قوشوبدی من زاری بختی قاره لره کی اوخشورام قانادی باغلانان هزاره لره گهی آیا باخورام گه گیجه ستاره لره منیم آی اولدوزا حسرتدی آسمانیم علی قولاق ورنده یانور قونشولار عبارتیمه قونوبدی جغد عزا گوئیا عمارتیمه قالوب قوناقسیز اویم یوخ گلن عیادتیمه وطن دیمه منه زنداندی دودمانیم علی اورگده بسلیوب آرزی فراقوه دوزه رم آدون دیلیمده دوشوب بوش اطاقووی گزه رم عصایه تکیه ایدوب توز توکوب ایوی بزه رم دیم کی بلکه صباحه گله جوانیم علی نجه چوخ اولسادا مظروفی داشلانار جاملار ایله وجودیم آلور غم اولاندا آخشاملار دارخورام هامی گوندن علاوه بایراملار کیمیم گلوب گده جک یا وارم هایانیم علی گیجه گونوز چکورم غملی آهون اوستن آه یانور دیلیم دوشوسن سن خیالیمه هر گاه قوناق گلور بیزه عباسون اوغلی عبدالله اونا باخوب یانورام ، اود دوتور بو جانیم علی اوگی ده اولسا باجون آتما گوزدن آی گوزلیم عم اوغلیمون طویونا دعوت ایله منده گلیم عروسه هدیه ده آلام دیمه کی بوشدی الیم منیمده جالب اولار طویدا ارمغانیم علی گیدنلریم یوبانوبلار ئورگده قالدی اَمل گوزومی باغلیانم یوخ گلنده پیک اجل گلینجه سیز اگر ئولسم مزاریم اوستنه گل دعا ایدر لحد آلتندا سنه روانیم علی ****** مرحوم محمد تقائی اردبیلی برچسبها: محمد تقائی اردبیلی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
