|
رجز – حضرت عبّاس (ع) گوروب دل یاراسندان دوباره یارا عبّاس دونوب باخدی یر اوسته قلم قولارا عبّاس یاراسیندن آخان قان وورار لخته توکولمز عقابی او جنابون ایاقین آتا بیلمز عمودیله آچوخ باش مجالسده دییلمز بو گون یوم بلادور سؤزه پرده چکیلمز دونوب باخدی یر اوسته قلم قولارا عبّاس او شهزاده جوانون دوشوب تاجی باشندان غضبدن او مبارک بدن یکسره لرزان نه قول وار نه قلیج وار گورر دشمنی خندان بو سس گلدی هوادن آنون فاطمه قربان دونوب باخدی یر اوسته قلم قولارا عبّاس عمودون اوجالاندا یئره گولگه سی دوشدی آچوخ باشه دگنده هوایه سسی دوشدی یئره شیر خدانون جگر گوشه سی دوشدی گورنلر دئدی آتدان که قان لخته سی دوشدی دونوب باخدی یر اوسته قلم قولارا عبّاس ایکی قوللارین آچدی خانم حضرت زهرا دئدی گل بالا عبّاس اوزون زحمته سالما گتور قوی سینم اوسته یوزون تپراقا قویما حسینه عجب ائتدون بو گون خدمتون ایفا دونوب باخدی یر اوسته قلم قولارا عبّاس یومولدی او جنابون گوزی غنچه مثالی قان آلتیندا شقایق کیمین صورت آلی هانی قدرت نقاش چکه بیر ائله حالی گوزون آچدی دوشنده یادا اهل و عیالی دونوب باخدی یر اوسته قلم قولارا عبّاس ****** مرحوم یحیوی اردبیلی برچسبها: عباسقلی یحیوی اردبیلی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
