|
شهادت حضرت ابوالفضل العباس (ع) (سبک : ساخلا ناقه می … ) گوردولر حسین قتلگاهدن وا اخا دئیور قدی خم گلور بیر الینده بیر پاره مشگ وار بیر الینده قانلو عَلَم گلور **** بیر قدم گلور بیر قدم دورور قتلگاهه ساری دونوب باخور آز قالور دونه قانه گوز یاشی گول جمالینه سیل تک آخور حال زارینه تشنه لب حسین کل عالمی یاندروب یاخور بحر غمدن امواج غصه لر اوستونه اونون دمدم گلور حمل ایدور خیامه وزیرنون قانلو پرچمین مشگ پاره سین بیر طریقیله ایستیور ویره اهل بیتنه غم اشاره سین کشف راز ایده خیردا قیزلارا تا نشان ویره دیلده یاره سین بو خیالیله خیمه گاهنه عزم ایدوب او میر حرم گلور رمزله او غواص بحر غم درب غصّه دن قفلی سندیروب گیچدی یخدی عباس خیمه سین بیر به بیر طنابین چکوب قیروب وای سوسوز ئولن قارداشیم دئیدی گوز یاشین توکوب باشینه ویروب سسلنوب گلون ای حرملریم عزّتیمه نقش عدم گلور جمع اولون عزا بزمنی قوراق بیر دویونجا عباسه آغلیاق مجلس عزا ایلیک به پا بیز او شجعه ی ناسه آغلیاق دعوت ایلیک ختم مرسلی مرتضانی بو یاسه آغلیاق وای اوغول دئیر فاطمه آنام بو عزایه غرق الم گلور کشتیِ امیدیم بو دشتده ظلمیله باجی لنگه دوشدی گل قارداشیم ئولوب قدیم اولدی خم غصه دن نفس تنگه دوشدی گل ال تاپار منه شامیان داخی گور نجه یاخام چنگه دوشدی گل شرح اولان زماندا مصیبتیم داده جمله لوح قلم گلور گلمیوب بیله قارداش عالمه جاندور منه تندن آیرلوب من نجه دوزوم بو مصیبته اول وفاسی بیر مندن آیرلوب باغبان ئولوب سولدی گلشنیم یا گلیدی گلشندن آیرلوب بیرده گورمم عباس با وفا خیمه گاهه الده علم گلور چاره می آزالدوب ایدوبدی خم قدیمی اونون سرو قامتی زیندن دوشنده او با وفا گورموشم باجی من قیامتی ویرسون الله ام البنینه صبر بولسه گر بو غملی حکایتی بو مصیبت جانگدازدن نی کیمی نوایه ننه م گلور گوردی پنجه سیز شیری عرصه ده گلدی جرأته فرقه ی گراز شهپر اولماسا دوشسه عده ای کرکس ایچره نیلر او شاهباز بنزدی او شهباز بی پره عرصه گهده عباس پاکباز بو چکیده ی سوزده مطلبون روشنی اله لاجرم گلور دوغرانوبدی منقار کینه دن شاهباز خونین پریم باجی قان آخوب قارشدی سو مشگینه قالدی تشنه لب اصغریم باجی یاتدی پرچمیم سیندی لشکریم قانه باندی سر لشکریم باجی یاره سی گیچوبدور شماره دن فکره نه حدود رقم گلور گلمیور قیامه بلیم داخی غصه لر یوروب چوخ قوجالمشام گورموشم بیر حالدا جنازه سین وا اخا دئیوب باشه چالمشام صابر امامت واریم او دور ئولمیوب هله زنده قالمشام بلمورم ندن ایلیوب هجوم اوستومه منیم موج غم گلور قانیله خسوفه یتوبدی ماه حقی واردی اولدوزلار آغلاسون ئولدی پاسبان حرم داخی ویر خبر بالا قیزلار آغلاسون ال تاپار خیامه بو اهل شام سس چکوب اوغو لسوزلار آغلاسون ایندی موج ایدر سیل تک قوشون خیمه گاهه اهل ستم گلور ****** اکبر غفاری زنجانی برچسبها: اکبر غفاری زنجانی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
