|
ورود به کربلا گلمیشم بو سرزمینه شوقیله مهمان باجی وعدگاه وصلیدور وئرّم بو یئرده جان باجی قیل اوزون درد و غمه آماده ای کان وفا صبریوی قویما ائده تاراج اندوه و بلا من خلیلم هاجری سن بو جوانلاریم فدا ائیلرم جانانیمه بو جانیمی قربان باجی دقتیده باخ بو صحرا وعده گاه عشقیدور تلیدن اطرافه بیر باخ شاهراه عشقیدور عشق محرابی چوخور یئر قتلگاه عشقیدور باشیمی ذبح ائیلییر بوردا عدو عطشان باجی بو مناده دوغرانار قرآن یولوندا اکبریم سو ایچر اوچ شعبه پیکاندان علی اصغریم گر کسیلسه خنجر کینیله باشیم اللریم ایتمرم بیعت منه حکم ائیلیور قرآن باجی من اوزوم آب حیاتم نه غمیم باغلانسا سو ذره قورخوم یوخ اگر چی دوره می آلمیش عدو قانلی میداندا ئورک قانیله من آلام وضو تا قالا بو نهضتیم دنیاده جاویدان باجی من بو یئرده محضر جاناندا وئرم امتحان یار و انصاریم وئرلر حق یولوندا تشنه جان نیزه اوستین ائیلیر شامه کیمی باشیم مکان تا اولا حق و حقیقت عالمه اعلان باجی قیل اوزون آماده بو فوج بلایه صبر ایله قارداشین باشسیز دوشن وقته منایه صبر ایله قیزلاریم گر آغلاسا آه و نوایه صبر ایله نار غم یاندیرسا قلبین ائیلمه افغان باجی ****** محمد هوشمند ( مدهوش) برچسبها: محمد هوشمند مدهوش
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
