|
زبانحال حضرت زینب (س)به حضرت ابوالفضل(ع) در حال احتضار حیف او مشکین صاحبی دارالعزایه گلمدی نینوادن آیرلوب آه و نوایه گلمدی جان ویرنده شامیده زینب هرایه گلمدی معرفت نیلوفرین پوزقون چمنده گورمدی کربلاده قالدی زینب جان ویرنده گورمدی یاد ایله ئوز یاریوی ای یادگار بوتراب فرصتیم آزدور یوبانما بوندان آرتیق ایت شتاب گل اوتانما نه رقیه وار یانمدا نه رباب زینبین بیر کس تاپا بولمور اونا دردین دِیه قوخما گل اصغرده یوخدی بوردا تا سو ایستیه جان ویرن ساعتده گوزلر هر باجی قارداشینی باغلی قالماز گوزلری گوزدن توکر گوز یاشینی قبره قارداشسیز باجی راحت قویانماز باشینی شکر ایله الله سن تک بیر نگاریم وار منیم گل باجی قربانون اولسون انتظاریم وار منیم من مگر میداندا تک قویدوم سیزی بلوا گونی؟ یا که عشقیمده قصوریم اولدی واویلا گونی سن که شاهدسن آغاردی زلفوم عاشورا گونی اوج بی انصافیدی عمره بئله پایان ویرم یدی قارداشیم اولا اما آدامسیز جان ویرم قویمادیم بازار عشقیم اوج رونقدن اَنَه من سنه کرب و بلاده هم باجیدیم هم ننه ایندی اما سن اقلاً سس ده ویرمیرسن منه یاده سالمورسان منی بو غصه لی ایامیده هیچ دیمورسن زینب آدا بیر باجیم وار شامیده من ولی الآندا باشه شال عشقی باغلورام سو گورنده جان ابوالفضل سسلیوب دل داغلورام پاره لنمیش مشکیوه یاده سالوب قان آغلورام سسلورم سندن صورا زندان اولوب دنیا منه ای خجالت جان ویرن قارداش سلام اولسون سنه اللی ایلدور سفره ی محنته نان غم ییم قاره بختیم تک همیشه قاره پیراهن گیم علتی وار آدیوی جان اوسته من تئز تئز دیم چون آدوندا روح رحمت وار غمه پایان ویرر کیم بو آدی سسلسه جان اوسته راحت جان ویرر رسمیدور قرآن اوخلار جان ویرن انسانلارا چونکه آرامش ویرر قرآن صداسی جانلارا آند اولا غارت گونونده اوتلانان دامانلارا دوزدی هر سسدن منه ارزشلیدور قرآن سسی سن منه اما اوخی قارداش رقیه روضه سی چون رقیه روضه سینده یئر گوی آهو تک ملر هاردا بو روضه اوخونسا تئز حسینیمده گلر بو یتیمین غملرین یاده سالوب اشکین الر سسلیر احسن سنه مردانه ویردون جان قیزیم ایپ کسن قوللاریوه بیکس بابان قربان قیزیم ***** کربلایی بهزاد قاسمی اردبیلی برچسبها: بهزاد قاسمی اردبیلی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
