|
جریان امان نامه حسین مدارس عشقه بیوک مؤسّس دور تمام عاشق وارستیه مدرّس دور حکومت ایله مسه عشقی قلب انساندا نه قدر ثروتی اولسا الینده مفلس دور مقام سیّد العشّاقی إتمین احساس حقیقتاً ئوره گی ، مغزی روحی بی حس دور میسه وورولسا اگر کیمیا طلایه دونر ولی وورولماسا مسگر الینده مس، مس دور حسینون عشقیده بیر کیمیادی قلبه دولا دونر طلایه مس اولسا چون عشقه مونس دور نجه حسین نجه انسان نجه رئوف القلب مقامینه آپاران غبطه نوح و یونس دور آقام آقام نه آقام شمس برج مهر و وفا مه منیری عربده اَبو الفَوارس دور کورگی اَننی قولی قوّه لی ، قدی رعنا باخان دئیر ایکی چشمانی مثل نرگس دور حسین مکاتبی باغلانمیوبدی ، باغلانماز رئیس دفتری چون حافظ مدارس دور مین اوچ یوز اللی بش ایلدور شهادته یتشوب مبارک آدی هاچان گلسه زیب مجلس دور علینون اوغلیدی باب المرادیدور عبّاس مقامیده عربستانیده شجاع النّاس نمونه اولدی عبادتده زهد و تقواده سالاردی حیرته بدر تمامی سیماده وفاسی اولدی مقدّم جمال و حسنیندن همیشه تابع اولوبدور وفایه دنیاده وفاسینون بیلونوب حدّی عصر تاسوعا قیامت ایلدی خدمتده مرد آزاده انوب خیامه اوگون تلى شمر بد فطرت الینده نامه سی ، گفتاره اولدی آماده دیدی منیم باجیم اوغلانلاری هایاندا قالوب گتورمیشم من امان نامه وقت دعواده حسین بویوردی ابوالفضله شمر گور نه دیور ایکی الین ایکی گوز اوسته قویدی سقّاده گلوب مقابلینه شمر صحبتی آچدی امانی ویردی علمداره غملی صحراده دیدی اوخی سنه کُرسیِّ مرتبت یازیلوب امیر کوفه الیلن ورولمیش امضاده منیم نصیحتمه ویر قولاق صلاحوندور مقامون آزدی حضور عزیز زهراده الینده نامه نی عبّاس پاره پاره ایدوب عتابیلن بویوروب شمره ای زنا زاده توکل ایلمیشم کردگار ذُوالفَرَجه ئوپوب الیندن امامیمدن آلمیشام درجه حسیندی سرور و شاهیم ، امین دربارم خدا نکرده اگر غملی اولسا غمخوارم اسیر عشقی منم ، نه اسیر عزت و جاه بهاسی جان اولا گر عشقینه خریدارم هزار بار اولا ، مرجانه اوغلینا لعنت خیال ایدوب آقاما بی وفا علمدارم حسین قالوبدی منه گوندروب امان نامه بنی امیه نون ایمانی یوخدی بیزارم یادوندا اولسا ابر مرد جنگ صفّینم بابام على کیمی وقت جدلده کرّارم شجاع ملک حجازم ، حسینچی سربازم نه قورخورام سپه شامیدن نه فرّارم حسیندی نقطه ی زیبای بای بسم الله گرامی نقطیه مدّتدی منده پرگارم اجازه یوخدور آقامدان چکم سنه شمشیر غلام خالص سلطان آل اطهارم گیدک خیامه امام زمانون اللرین ئوپ کیمی آپارسام اگر التماسه مختارم دیسون باغشلا منی یا حسین باغشلیاجاق کریمدور کرمیندن ئوزوم خبر دارم یولا سالوبدور على أوغلی شمری شرمنده گلوبدی خیمیه معبودینه گوزل بنده امام عالمیان امر ایدوبدور اکبرینه عموسینی چاغورا خیمه سینده محضرینه جوان ماه دل آرا یولا دوشوب فی الحال اوزون یتوردی حسینون امیر لشگرینه گلوب بیانه عمو جان بابام سنی ایستور قونوب غبار محن صورت منوّرینه چاتوبدور عابد صالح امام خیمه سینه ویروب سلامینی سردار نامی رهبرینه دوزولدی آلننا خجلت تری قباقینده حسین نظاره ایدوب مرتضایه بنذرینه سنه بویوردی امان نامه کوفه ده یازیلوب وئروب گتیرمگه مرجانه اوغلی نوکرینه امیر لشگری اولسُون یزید بن سیرین جدلده امر ایلیر سن تمام افسرینه بولار گلوب منی قتله یتورمگه قارداش اَوَلده شمر اوزی صیقل وئروبدی خنجرینه بیری ئورگیمی اوخلار ، بیری کسر الیمی دولوب بو چولده اولار حربه الده سنگرینه اوزیوی ورطه ی محنتده زحمته سالما منیله قالسا کیمیم اوخ ویراللا پیکرینه دولار سنون ئورگون قانیلن مگر گیتسون؟ ملالین قوتارارسان یقین اگر گیتسون بلای عرصه ی کرب و بلانی گورمزسن بالالاریمدا فغان و نوانی گورمزسن منای عشقه گیدنده گوزللرین گوزلی دالیجا من توکن اشک روانی گورمزسن بولنده باشینی خنجر یخاندا نیزه و اوخ ستاره لر کیمی سایسیز یارانی گورمزسن دیزیمون اوسته قویاندا یارالانان باشینی یوزون ئوپنده دوداقیمده قانی گورمزسن دوتاندا کاکلینی قتلگاهیده جلاد ئولنده قاسم نو کد خدانی گورمزسن باشین یولاندا سریه جنازه سی اوسته دیینده وای بالا گریان آنانی گورمزسن بو گیجه صبحه کیمی شیرخواره میز چوبالار ئولوم حالیندا لب عطشان بالانی گورمزسن قاپی قاپی دولانار قیزلاریم سووا خاطر ئورکده اللری آل عبانی گورمزسن شهید ایده لَّه باجیم زینبون بالالارینی بدنلرینده کی زخم سنانی گورمزسن منیم کیمی ویرولار قلبینه اوغول داغی گلنده نالیه زهرای ثانی گورمزسن دیدی حسینه ابوالفضل نامدار و غیور کمال و خلقووه یوخ من تک عاشق پرشور قاپوندا نوکرم ای منبع کرم قووما عنایتونله منی ساخلا محترم قووما جهان عشقیده بیر یول سنه آقا دیمیشم ئولونجه محضر پاکونده نوکرم قووما سنون آنووین ایوینده آنام شرفلندی منم محافظ کاشانه و حرم قووما بابام منی سنه نوکر ویروبدی ماه صیام همیشه تابع فرمان حیدرم قووما علمووی آل الیمدن ولی جواب ایتمه دیوم سپاهیده بیر ساده افسرم قووما قاپوا دوز گلوب هر کیم تاپوبدور عز و شرف سنون قاپوندا شرفلی دلاورم قووما شرافتین ویرر الدن قاچان حضوروندن قسم رقیّووه قؤسوندا گیتمرم قووما سِینا او اللرى یازدی منه امان نامه نه قدری منده بیلورسن مکدّرم قووما او تاندیروب منی شمرون یوزی قرا اولسون مقابلونده پریشان و مضطرم قووما دوشوم قدملرینه اکبرون باغیشلا منی دیوم بو باره ده مدیون اکبرم قووما حسین ئورکدن ایدوبدور دعا ابوالفضله یوزوندن اوپدی دیدی مرحبا ابوالفضله دئیدی مگر غمووه تاجدارووم دوزرم؟ آنام گورر نجه من اشکبارووم دوزرم دئیدی قلم اولونار قوللارون نیستاندا دئیدی سنه گوره دور جان نثارووم دوزرم دئیدی ویراللار اوخی مشکووه سویی جالانار دئیدی نه اولسا اولوب ریزه خوارووم دوزرم دئیدی باشووا دگر قتلگهده آهن عمود دئیدی علیدن آقا یادگارووم دوزرم دئیدی ویرار سنه دل یاره سی عدولردن دئیدی ئوره ک یانار اما نگارووم دوزرم دئیدی گوزل گوزووه قتلگهده صدمه دگر دئیدی همان گوزولن انتظارووم دوزرم دئیدی مبارک اولان آلنوا دگر پیکان دئیدی چون عشقیدن هر آن خمارووم دوزوم دئیدی دیزونلن أُوخی ردّ ایدرسن آلنوندان دئیدی من عاشق بی اختیارووم دوزرم دئیدی گوزووه دولار قان قباقی گورمزسن دئیدی قیامیده خدمتگزارووم دوزوم دئیدی باشووی کسللر مناده قربان تک دئیدی فدای خود کردگارووم دوزرم (( معزّی )) اولدی حسینه وفاسی عبّاسون سنه ده گلدی مبارک عطاسی عبّاسون ****** یوسف معزّی اردبیلی برچسبها: یوسف معزی اردبیلی
+ نوشته شده در یکشنبه ۲۶ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
