|
اتمام حجت امام حسین (ع) اولمیون بیله حریص ای قوم عدوان قانیلن بسدور ائتدوز خانه ی ایمانی ویران قانیلن نامه لر یازدوز منی سیز دعوت ائتدوز بو یره گلمیشم ایندی پشیمانسوز نه حاجت لشگره ایلرم رجعت دوباره روضه ی پیغمبره سهلدور عباس و قاسم اولدی الوان قانیلن من سیزون قولوزده گیرم ترک ایمان ائتمیشم نه حلالوزی حرام ای اهل قرآن ائتمیشم نامه یازدوز گلمیشم ایندی دوتون قان ائتمیشم قان یومازلار ای گروه نامسلمان قانیلن نه امامم من جماعت نه پیمبر اوغلیام بیر غریبم نه دوتون زهرای اطهر اوغلیام گلمیشم مهمان سیزه گیرم نه حیدر اوغلیام نه روادور بو اولا آغشته مهمان قانیلن تنگه گلدوم ناله دن ای قوم ظالم خیمه ده گلمیشم میدانه من قالمش خیالیم خیمه ده رحم ایدون آخر کباب اولدی عیالیم خیمه ده ائتمیون پیغمبر اوغلون سیز هراسان قانیلن ئولدورورسوز سیز منی باری خدا مهلت ویرون ظهردور وقت نماز کبریا مهلت ویرون ویرمدوز سو ای گروه بی حیا مهلت ویرون دستماز آلسون علی اوغلی بو الوان قانیلن من ئوزوم عهد ائتمیشم قالوا بلای عشقده نیّتیم وار پیکریم دوشسون فضای عشقده یار و انصاریم قیریلسون کربلای عشقده بیر طرفده تپراقا آغشته عریان قانیلن عشق مخموری خیال کفر و ایمان ایلمز عشق هر خامی بلا ملکینده سلطان ایلمز طالب جانان اولان میل سرو جان ایلمز ایستیور باشسیز گوره بو جانی جانان قانیلن گلدی میدانه او وقته ابن سعد بی حیا عرض قیلدی یا حسین ائتمه بو قدری التجا ایش مقامیندن کیچوب بسدور قضایه ویر رضا بو بدن دوشسون گرک میدانه غلطان قانیلن ایش محلیندن کچوب بو نه نصیحت وقتیدور بیر بیریندن کچدی لشگر بو نه صحبت وقتیدور یا یزیده بیعت ایله بو نه مهلت وقتیدور یا گرک اولسون بو گون یکسر بو میدان قانیلن سانما کیم یاددان چیخوب بدر و حُنین کیفیّتی قول قولا باغلانماسا بو چولده حیدر عترتی قائم اولماز ملک ری حکم یزیدون بیعتی اولماسا ویران بنای دین و ایمان قانیلن وئردی فرمان لشگره اول کافر گبر و مجوس چیخدی افلاکه صدای طبل و نی آواز کوس زلزله ایتدی زمین و آسمان آبنوس کربلا صحراسینی تا دوتدی طوفان قانیلن گوردی احوالی بو نوعیله حسین تشنه کام ذوالجناهه هی وروب وردی او حیوانه لجام عرش و فرشی چولقادی آواز تکبیر امام گله روباهه گیردی شیر عطشان قانیلن چیخدی ناگه آستین حقدن الله الی چکدی غظیله قلج بلدن جگردن یا علی دولدی میدان ذوالفقار و ذوالجناحیله بلی کربلا دشتی حسینیله یبابان قانیلن ((شمس )) عطارم می ِ میخانۀ حق مستیم موسی عشقم تماشای انا الحق مستیم چکمرم غم چون ولی الله مطلق مستیم دردیمه مولا ائدر محشرده درمان قانیلن ****** شمس عطار اردبیلی برچسبها: شمس الدین عطار اردبیلی
+ نوشته شده در شنبه ۲۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
