|
زبانحال بشیر در مدینه اوتورمیون بو شهریده ، مدینه نین جماعتی حسین شهید اولوب ولی قوتارمیوب مصیبتی منم (( بشیر )) باغری قان اولوبدی گوز یاشیم روان حسینی ئولدوروبدیلر ، اسیر اولوب حرملری باشین دولاندیریبدیلار ، قالیبدی یئرده پیکری اَل اوسته اوغلی اوخلانوب ، باتیبدی قانه اصغری اوزومده گوز یاشیم منیم ، اولوب عزا علامتی منم (( بشیر )) باغری قان اولوبدی گوز یاشیم روان قوروبدی بزم ماتمی ، جناب زین العابدین عزا دوتوبدی خیمه ده ، سینیبدی چون ستون دین یوبانمیین زمان گئچر ، منیله تئز دورون گلین امامه تسلیت دئیین ، نشان وئرین لیاقتی منم (( بشیر )) باغری قان اولوبدی گوز یاشیم روان حسینین ئولدوروبدیلر ، عزیز وفالی قارداشین کسیبدیلر او مظلمون ، جفائیله سوسوز باشین بو غمده باغری قان حسین ، توکوب عذاره گوز یاشین بوکوبدی قارداشین بئلین ، برادرین شهادتی منم (( بشیر )) باغری قان اولوبدی گوز یاشیم روان گلیبدی زین العابدین ، مدینه نین کنارینه غبارِ غم او سرورین ، قونوبدی گول عذارینه ئورکده چوخ ملالیلن ، یئتیبدی اوز دیارینه دایانمیین مدینه ده ، گلین گورون او حضرتی منم (( بشیر )) باغری قان اولوبدی گوز یاشیم روان گورون حسینین اوغلونی ، یانیندا آغلیر عمّه سی فغان و ناله ایلییور ، یتیم قالان سکینه سی سیخور ئورکلری بوتون ، باخاندا غملی خیمه سی بو خیمه نین علائیمی ، نشان وئریر قیامتی منم (( بشیر )) باغری قان اولوبدی گوز یاشیم روان خلاص اولوبدی شامیدن ، گلیبدی دخت مرتضا باشیندا وار عزا شالی ، حسینه ساخلیوب عزا پریشان حالدیلار بوگون ، تمام آل مصطفا چیخین قباقه ایندی سیز ، گلیر پیمبر عترتی منم (( بشیر )) باغری قان اولوبدی گوز یاشیم روان حسین مصیبتینده وار ، بیزیمده سهم و حصّه میز قان اولدی باغریمیز بوگون، چوخالدی بارِ غصّه میز دئدیم سیزه خبرلری ، تمامه یئتدی قصّه میز یازاندا (( هادی )) نوحه سین ، گئدیب تاپار روایتی منم (( بشیر )) باغری قان اولوبدی گوز یاشیم روان ****** مرحوم غلامرضا اسماعیل پوران ( هادی تبریزی) برچسبها: غلامرضااسماعیل پوران هادی
+ نوشته شده در شنبه ۲۵ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
