|
مدح و رثای حضرت زینب (س) (سبک : خدا حافظ ای آنام باجی ...) مهِ وفا ، کوکب حیا ، شمس الولا زینب غمه آنا ، غرقه ی بلا ، زار و مبتلا زینب صبروه فدا زینب (2) نِکو سِیَر ، زینت پدر ، افتخارِ پیغمبر علیّه فر ، فخر دادگر ، درّ قلزم کوثر خدا نگر ، ذوالفقار اثر ، استقامته مظهر فرشته سا ، ایلین ثنا ، صبحیلن مسا زینب بلالرون قرعه سی چیخار نام شخص ممتازه اودور قضا اوخشادوب سنی قله ی سرافرازه یازوبدی غم غصه آلنووا بی حساب و اندازه بیلوب روا ، بختووی قرا ، قلبووی یارا زینب اوشاقیدون حُزن فاطمه ائتدی قلبووی یاره ریاض طاهاده اوخشادون غمله صولموش ازهاره گینمه میش طوی لباسینی گیدون اگنووه قاره ایدوب بكا ، ساخلادون عزا ، یار حقه یازینب ننه فراقینده عود تک قلبون اود دوتوب یاندی سیزیلدادون نی کیمی سسون آسمانه قوزاندی شرار آهون ایدوب اثر عرش اعظم اودلاندی که هم نوا اولدی برملا ، سنله ماسوا زینب او دور که سن آغلیان زمان حجت الله آغلوردی سرشکینی نازل ایلیوب عصمت الله آغلوردی دلینده قالموردی طاقتی قدرت الله آغلوردی یانا یانا ، بسکه جانگزا ، دئیدون اوخشاما زینب گیجه گونوز گر چه آغلادون شدت مصیبتدن ولی قضا گوردی اوز ایشین دونمدی مشیّتدن کباب ایدوب قلبووی گینه شعله های محنتدن سنی اودا سالدی مطلقا ، سوگ مرتضی زینب مصیبت والدینیده اولدی گوزلرون گریان حسن غمی داغلى قلبووی ایتدی تازه دن سوزان حسینووی ئولدورن زمان شمر بیحیا ، عطشان سنی تورا سالدی چون قطا ، حُزن کربلا زینب اسیر اولوب آل مصطفی سرزمین غربتده شماتتین ناری یاندیروب قلبووی اسارتده نئجه دیوم اول دیاریده زیر بار محنتده قدِ رسا تاپدی انحنا ، چون مه سما زینب ****** امین کاظمی برچسبها: امین کاظمی
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
