|
شهادت حضرت ابوالفضل العباس (ع) میداندا یالقوز قارداشین سلطان بی یار آختارور دوتمور دلی گلمز بیلی قولسوز علمدار آختارور آلمیشدی الدن قارداشین آرامنی قارداش سسی ایتمیشدی حیران بیر سسین گلماقی شاه بی کسی گلمیشدی عباسین اولا آخر نفس داد رسی ایله ایترمیشدی اوزین بولمزدی نه وار آختارور حیران گزردی قانیله بیر یاندا گوردی یول دوشوب ناگه دایاندی ذوالجناح گوردی ایکی تک قول دوشوب بیلدی اوزون قولّاریدور هم ساق دوشوب هم صول دوشوب امّا هنوز اوز صاحبین یرده او قوللار آختارور بی اختیار اول شاه دین آتدان یره سالدی اوزون یردن گوتوردی قوللاری قانیاشلا دولدوردی گوزین باغرینا باسدی آغلادی اشگیله اسلاتدی یوزین گوردی بو قوللار صاحبین حیران او سردار آختارور بیر نوعیله گوگلینده کی بحر محبت ویردی موج افغانه گلدی تازه دن فریاد دادی ایتدی موج شیرخدا سهمین گوروب دشمن قاچاردی فوج فوج بولدیله چون غیض اوسته دور سردار علمدار آختارور هر دم دیردی بیر دورون ای لشگر کین قاچمیون قارداشیمی ئولدورموسوز یوخ سیزده آئین قاچمیون باری ویرون نعشین نشان کفّار بی دین قاچمیون گورموسوز آخر بو حسین بو سرو رفتار آختارور گلدی یتیشدی بیر یره گوردی یخوبلار قارداشین اون یدّی سر کرده دوروب ایستولّه کسّونله باشین آلدی دیزی اوسته باشین توکدی یوزینه گوز یاشین بولدی او قان دولموش گوزی باش اوسته دلدار آختارور اوّل گوزین پاک ایلدی سیلدی سرشک آلنی صوندان سوروشدی لطفله قارداشینون احوالنی گوز آچدی عباس علی پوزدی او شاهین حالنی عرض ایتدی نه بولدون حسین گوز جلوه یار آختارور گلدون عجب وقته منی جلّاد النده قویمادون قارداش حرم آهو سنی صیّاد النده قویمادون آخر نفسده لشگر بیداد النده قویمادون گوگلوم نه بیلدون سن کیمی بیر ماه رخسار آختارور قارداش آپارما خیمیه بو نعش پاره پاره می ممکن دگل هرگز منیم خشگ ایلسونله یاره می سو اولمادی وار خجلتیم کسدی بو لشگر چاره می بولّم سکینه ایمدیده سو مشگین آغلار آختارور برده بیلولّر من سنون سرداروم ای شهریار گورسه منی بو حالیله دشمن سنه جرأت تاپار آخر وفاسیز لشگرین یوزدن بیری بولمور نه وار بیر بیله وقتین یا حسین بو قوم کفّار آختارور شوق زیارت باشوه سال (( صافی )) بو حضّاریله آغلا اوزون آغلاتگلان حضّاری بو اشعاریله ایندی حسین قبرنده کی زوّار آه و زاریله قبر علمداری هامی بیر بیر او زوّار آختارور ****** مرحوم صافی تبریزی
برچسبها: میرزا کریم صافی تبریزی
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
