|
شب عاشورا منیم غنچه گولوم یات نوالی بلبلوم یات خزان ویرموش گوله بنذیرسن اوغلوم گلستاندا سوسوزلوق قویمویوب تاب و توان اول جسم و جاندا **** بو قدری آغلوسان سن دوشورسن دای نفسدن نئدوم شرمندهیم من بوزورسن گه دوداقون گه باخورسان دیده گریان صودوم یوخدی اوغول تا ایلیم اول درده درمان **** اوغول گلمه نوایه یتن یوخدور هرایه توکل ایت خدایه سویون یوللارینی اشرار کوفه باغلیوبدی بو چولده آل طاها قلبین اوغلوم داغلیوبدی سویا یوخدی گمانیم یات ای آرام جانیم گیدوب الدن توانیم سنون تک منده عطشانم الیمده یوخدی چاره قالوب تکجه امیدیم بو گیجه پروردگاره **** سنون تک منده زارم صودوم یوخ دلفکارم الیمده یوخدی چارهم بالیخ تک ال ایاق چالما اوغول آرام جانیم بیر آز یات خستهسن دینجل منیم روح و روانیم **** الون چالما قماطه گیدوب سقا فراته گتورسون سو بناته یانور سوز عطشدن خیمهلرده آل اطهار ویرور اود دوشلریم نار حرارتدن سیزیلدار **** لب عطشان شیرخواریم منیم دیلسیز قناریم داخی قالمور قراریم کسوب سو یوللارین اهل جفا کرب و بلاده اوغول رحم و مروت یوخدی بو قوم دغاده **** ازل بخت اولدوزوم یات گیجهم هم گوندوزوم یات منیم املیک قوزوم یات یازیب بو شعری (( راشد )) وار یانزدا آبروسی اونی دعوت ائله کرب و بلادور آرزوسی ****** قربان بایرامی (راشد) برچسبها: قربان بیرامی راشد
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
