|
زبانحال حضرت زینب (س) در کوچ از شام (سبک:ای قلم سوزلرونده ...) شامیده غم چاتوب انتهایه حمد اولا خالق کبریایه قوخما قورتولموشوخ درد و غمدن دور گیدور کاروان کربلایه یاتما دور ای عزیز مدینه کربلایه گیداخ اربعینه حرمت اولموبدی بوردا قوناقه یانموشوخ مِحنته هم فراقه یاتما بو قبریده دور ایاقه چاتدی غم غصّه لر انتهایه باخما کرب و بلا غم فزادی قارداشیم قبری لیک باصفادی خاکی امراض عشقه دوادی عرش و فرشه سالوب اوردا سایه ای وفا مُلکونه بی قرینیم گلشن دین گلی یاسمینیم دور بیزه همره اول مه جبینیم یول سالاخ بیرده تا نینوایه سن سپهر ادب اولدوزیدون اوچ یاشیندا حسینون قیزیدون سفرۀ استقامت دوزیدون دوزموسن هر غمه هر جفایه وار علاقم سنه بی نهایت سن گهر تک مَنِیدون امانت اولدی عمّه ن آتاندان خجالت حقی وار ایتسه مندن گلایه غملنوب هر زمان وای دییردون سسلنوب اکبر ایوای دییردون اصغره گاهی لای لای دییردون صبحی تبدیل ایدردون مسایه دور بساط سفر باغلانوبدی یئر سنه ناقه ده ساخلانوبدی سن ئولنده اورک داغلانوبدی اگموشوخ باش قدر هم قضایه سقف و دیواری یوخ ایندی ویران سن یاتان یئر اولار باغ رضوان خانگاه صفا عشق و ایمان گلسه زایر آچار دل دعایه سن اسیر سه ساله وطن سیز مرغ بی بال و پر تک چمن سیز کاروندا صفا یوخدی سن سیز دور گیدور کاروان کربلایه دُخت شاهنشه با جلالت خیردا قبری ویرن شامه زینت عاصی دور (( عدلی )) روز قیامت اول شفیعه اوزون لا یرایه ****** حاج اصغر فرشچی ( عدلی تبریزی) برچسبها: اصغر فرشچی عدلی تبریزی
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
