|
زبانحال امام حسین (ع)حضرت علی اصغر (ع) یانار اودلارا سالوبدی منی اهل شام الهی سوسوز اوخلانوب الیمده صود امر بالام الهی نجه تاب ایدر آناسی گوره اوخلانوب بالاسی یئری وار فغانی عرشه اوجالا مدام الهی آلیشوردی تشنه لیقدان ، دوتوب اود الولانوردی آناسی گوروب بو حالی چکوب آه اودلانوردی چابالوردی اللریمده جگری ز بس یانوردی سولی بیر اوخیله دلدن دوشوب اولدی رام الهی یری واردی نالم عرشه بو گون ای خدا اوجالسون شرر فغان و نالم فلکه شراره سالسون کمکیم که یوخ ، کیمیم وار بالامی الیمدن آلسون ستمیله آل هاشم قیریلوب تمام الهی آناسیندان ایمدی آلدیم بونی مین دلیله یارب نجه قیتروم من ایلوم اونا ایمدی کشف مطلب بیچیلوب بوغازی ، قانی بدنین ایدوب مخضّب آناسین مَلَر قویوبدور سپه لئام الهی منی یاندیرور بولورسن بالامین بو اوخ یاراسی گیده بولمورم خیامه ، گلور آغلاماق صداسی بالاسین بو نوع گورسه اوزین ئولدورر آناسی بیر آنا مگر بو ظلمه گتورر دوام الهی من امامم عالمینه بولوری بو قوم یکسر عجب احترام ایدوللر منه بو گروه کافر گهی آد قویولّا یاغی ، گهی ناسزا دیوللر منی خارجی بولوللر سپه ظلام الهی بو فراتی ایلمیشدون سن الهی مَهر آناما ولی ویرمدی بو لشکر بیر ایچیم منیم بالاما صف حشریده دوران گون هامی صف بصف نظامه اوزون آل بو اشقیادن او گون انتقام الهی بو قدر جفا روادور اولا بیر غریب زاره هامی یار و جان نثاری دوشه یرده پاره پاره بویانا ستمله قانه الی اوسته شیر خواره ایده لر بنی امیّه اونی تلخکام الهی غم روزگار ایدوبدور منی ای خدا دل افکار نه انیس وار نه مونس، نه بو یالقوز ایوده غمخوار نسباً حسینیم من هم حسینیوه عزادار بو حسیندن ال گوتورمم نه قدر وارام الهی ****** حسینی برچسبها: سیدرضاحسینی سعدی زم
+ نوشته شده در شنبه ۱۸ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
