|
ورود کربلا-زبانحال امام حسین(ع)به قبیله بنی اسدو دفن شهدا شهید ایده لَّه منی عاشر محرمده گلر وقوعی علاماتی وار بو عالمده شدید یللّر اسر عالمی دوتار ظلمت بلون او وقت قالور ئولماقیما بیر ساعت او دم که عالمین اوضاعی انقلابه دوشر گلر تزلزله یئر گوگلر اضطرابه دوشر هوا چو تیره لنور رعد و برق ظاهر اولار ستاره لر گورونر گویده گون یوزی دوتولار گورن زماندا که گویدن یاغور دمادم قان بلون کسوب باشیمی شمر بیحیا دالیدان او وقت ظاهر اولار سرّ کربلا چولینه بو کربلا دونه جاق کعبه تک منا چولینه دوشر بو عرصه ده عریان جوانلارین بدنی اولار بدنلرینین خاک کربلا کفنی شهیدلر بدنی غسل ایستمز بیرده گلون جنازه لری قویمیون قالا یرده قبیله اهلی قدم قویدولار او صحرایه نه گوردولر که دونوب قتلگاه مینایه منای عشقیده از بس کسوبدولر قربان دوشوبدی گون کیمی باشسیز جنازه لر عریان داغیلدیلار چوله هر سمته گیتدی بیر دسته گلوب یتوشدوله بیر نوجوان باشی اوسته کسوبدولر باشینی فرقۀ خدا نشناس نه باش قالوب بدنینده نه جامه و نه لباس ووروبلا خنجر ایکی کتفینین آراسیندان هنوز قانی آخور خنجرین یاراسیندان دیوب بیری بیرینه گوستروب ویروبله نشان بودور او هاشمی خالی اولان گل اوزلی جوان گورون نه حاله سالوبلار بو نازنین بدنی سویوبلا پیکرینی یوخدی بس ندن کفنی بیر اوزگه سمته توجه سالوب ایدوبله نظر نه گوردولر گورونور پاره پاره بیر پیکر اولوبدی گول کیمی اعضاسی خاکیله یکسان یارالی سینه سینه آتلار ایلیوب جولان دوشوب گذارلری بیرده نهر علقمدن دونوب اورکلری قانه او غصّه و غمدن باخوب نه گوروله بیر سرو ناز وارسته نهال قامتی قولسوز دوشوب فرات اوسته نه باش بدنده نه ال سربسر بدن یاره سو مشکی بیر طرفینده دوشوب یره پاره علم یاتوب علمی پرچمی باتوب قانه دوشوبدی قوللاری بیر یانه مشک بیر یانه بیری بیرینه ویرردی نشان اشاره ایله همین بدن که سراسر دولوبدی یاره ایله بو اول جوان قمر طلعت و دل آرادور باخون بو مشکه یقین ایلیون که سقّادور یارالاری آچیلوب جانب فراته باخور فرات تک یارالاردان هنوز قانی آخور سو اولمیوب الی بوش خیمیه خجالتدن گیدنمیوب اوزی معلومیدور بو حالتدن سوسوزلارا بیله معلوم اولور آپارمیوبدور آب سو ایچمیوب اوزیده قانیله اولوب سیراب ((حقیر )) یازما داخی ماجرانی قیل کوتاه گورنده نعشیلری نه چکوبدی آل الله ****** مرحوم میرزا عبدالوهاب حقیر خویی برچسبها: میرزاعبدالوهاب حقیر خویی
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
