|
شب عاشورا شمردن مهلت آلوب رکن هدایت بو گئجه ایده معبودینه کامینجه عبادت بو گئجه بو گئجه آل علی صبحه کیمی راحتیدی واریدی چون هله انصار امامت بو گئجه خیمه لر دوره سین عبّاس علی اکبریله قلیج الده گزوب ایلردی حراست بو گئجه گه گیدردی علی اکبر گهی قاسم گهی عون ایتمگه عابد سجّاده عیادت بو گئجه خیمه گاه ایچره یاناردی بو گئجه شمع و چراغ واریدی عترت طاها ده فراغت بو گئجه باخوب عبّاسینه کلثوم دیردی نه روا صبح اولاندا باتا القانه بو قامت بو گئجه اوخلانا مشگی یاتا بیدقی قوللاری گیده اولا باشدان باشا گل جسمی جراحت بو گئجه امّ لیلا دولانوردی علی اکبر باشنا چکوب آغوشینه ایلردی زیارت بو گئجه گه دیردی آنان ئولسون بالا سنسیز آناوون قوللارین باغلیاجاق قوم ضلالت بو گئجه که اؤپوب اصغر آناسی علی اصغر بوغازین یات دیردی سینم اوسته بالا راحت بو گئجه قوی باشون سینمه یات سنده یاتوب حرمله ده صبح اولونجا هله فرصتدی بو ساعت بو گئجه گه سریه دوتوب اوز قاسمه سویلردی اوغول طوی اطاقون اولاجاق ظلمیله غارت بو گئجه بو گئجه سنده عروسونده گیدون راحت اولون گله جاق باشوزه صبح اولسا چوخ آفت بو گئجه قطعه قطعه سنی ظلمیله عدو دوغریاجاق نو عروسون اولاجاق بند اسارت بو گئجه (( وافیا )) یاز ولی یازدوقجا احبّانی بو سوز یاندوروب ایلدی آماج ملالت بو گئجه ****** مرحوم وافی برچسبها: وافی
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
