|
زبانحال حضرت امام حسین (ع) در بالین برادر ای قاندا غرق اولان دل خونباره بنزیسن چوخ صولموسان خزان زده گلزاره بنزیسن ای جان نثار عشق اولان کربلاده سن سنگ تمام قویموسان الحق وفاده سن سالدین ٱحد گونونده کی ایثاری یاده سن ای حیدر اوغلی حیدر کراره بنزیسن سن جام عشقی آلماقا ، دنیانی آتمیسان هر ساغلیقی سلامتی عشقه ساتمیسان هر آل وئریوی ایلیییب آخرده یاتمیسان محتاج استراحت سرشاره بنزیسن کامل بو گوزلرین یومولانمیر باخیر یارا من بو یاریمچیلیق یومولان گوزلره فدا هر قدر ایستیسن منه باخ ای بوتون وفا باشدان ایاقه تشنه ی دیداره بنزیسن قارداشه چوخ مدد وئرن اولموش بو نوع یوخ بوقارداشیلن آیریسینین فرقی چوخدی چوخ قوی بنزدیم سنی اوزووه ای باشا باش اوخ عباس نامدار و وفاداره بنزیسن اوخلار سالیب حصاره بو هیبتلی قامتی لمس ایلمک چتیندی یل پر جراحتی قارداش بو اوخلارین قفسه وار شباهتی سنده قفسده شیر گرفتاره بنزیسن دلداده ایستیری گئده دلداردن قاباق ترک ایلیسن بو عالمی سن یاردن قاباق سن ارتحال جامینی بیماردن قاباق نوش ایلیین وفالی پرستاره بنزیسن دوشدین یئره گینه ده سرافراز عشقسن بال و پرین سینیب گینه شهباز عشقسن بی بال و پرده لایق پرواز عشقسن واضح دییم کی جعفر طیاره بنزیسن هر چند دوشمیسن یئره هیبت یئرینده دی دوغرانمیسان ولی گینه صولت یئرینده دی گوهر سینیب ولی گینه قیمت یئرینده دی قولسوزدا قوللی قوّه لی سرداره بنزیسن ال تاپماقا بو پیکره ای یار خوشمرام هر سمتدن گتیردی سنه اوز سپاه شام دورنده ائتدی جان آلان اشخاص ازدحام پر مشتر جواهر شهواره بنزیسن انبوه دشمنه سن ائدیرسن نگاه گاه گاهدا باخیب حسینه ئورکدن چکیرسن آه قارداش چوخ ایلیسن بو ایکی سمته سن نگاه دلوا پس نگار علمداره بنزیسن سوز وئردین ئوللم اولمارام اما اسیر ننگ قوی شیشه ی حیاتیمه دیسین دئدین کی سنگ امضا ائدیبدی سوزلریوی گور نئچه خدنگ ارزشلی اعتبارلی طوماره بنزیسن جاندان دوشوبدی دشمنی جاندان سالان بدن قان یاغدیریر بو یوزلر اوخیلن چالان بدن قارداش بو اوخلارین آراسیندا قالان بدن قؤیمور دییم کی سن گول بیخاره بنزیسن چوخ حسرتیله قارداشیوا گوز تیکیب گوزون گلمیر دیلین بیان ائدیری گوز اونون سوزون اولما گوزه امید امیدیم دانیش اوزون گفتاره گل کی تشنه ی گفتاره بنزیسن سوغاتیمی دئمه یاری یولدا ایتیرمیسن من فرعی نیلیرم منه اصلی یتیرمیسن سیل ذهندن او قطره نی دریا گتیرمیسن قوی گورمییم کی بیر الی بوش یاره بنزیسن عباس (( کامران )) سنی توصیف ائدنمیری بیر پیچ و خملی یولدادی آسان گئدنمیری پیچیده نی راحات بیرینه بنزدنمیری سن بیر ظریف معنی دشواره بنزیسن ****** کامران اسدی حقایق برچسبها: کامران اسدی حقایقی تبریزی
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
