|
نوحه حضرت زینب (س) ای غمکش زمانه باشی بلالی زینب یومدون گوزون جهاندان قلبی یارالی زینب ای فاطمه نشانی ای حیدرین بالاسی بیت علی چراغی ، گلزار عشق صفاسی سالدی سنی ایاقدان قارداشلارین عزاسی قارداش باشینون اوسته اولدون نوالی زینب باد صبایه وئردون دردین داشا یتیرسین پیک اجل گلوبدی عمری باشا یتیرسین غملی گلایه ائتدین ،کاش قارداشا یتیرسین عرض ایلدین اونوتماز درد و ملالی زینب یاتدیم گونون ائوینده بی سر حسینه خاطر کرب و بلاده اولدوم مضطر حسینه خاطر قان آغلیور بو حالدا گوزلر حسینه خاطر سینم مدالی هچ وقت گولمز عزالی زینب عباسیمه گلایه مندن یتیر حسینیم قارداشلاریمی یاسه حتماً گتیر حسینیم تئز گل فقط قطاره عمروم گئدیر حسینیم یوخ عیبی گلمسزده گوسمز حیالی زینب اوچ یاشلی نازنینی گول تک دئمه سارتدی رخته وفا و عشقی فکر ایلمه که آتدی باشیم آغلاردی قارداش درد آخر منی قوجاتدی وار حقی تا سارالاسین گوللر مثالی زینب دوزدی منی قوجاتدی عشقین بهاسی قارداش بو عاشقین اورکده یوخ ادعاسی قارداش قبریمده اینجیدندی باشیم یاراسی قارداش باشون یاراسی ائتدی عشقی صفالی زینب قان آغلیار ((خدایی )) صبری جالاندی زینب قلبیم یارالی اما ال دوت اماندی زینب آچ یولاری گلک چون هجران یاماندی زینب ای وای یارالی زینب باشی بلالی زینب ****** حسین خدایی زنجانی برچسبها: حسین خدایی زنجانی
+ نوشته شده در جمعه ۲۴ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
