|
وداع سیدالشهدا(ع) الله نجه گور خاطریمی درد و غم آلدی اطرافیمی گوز یاشلی بنات و حرم آلدی دشمن منی هی دعوت ایدور رزم و قتاله قویمور گیدم عطشان بالالار جنگ و جداله گور نازلی رقیم سارالوب قالدی سه ساله داغلی اورگین غصه و درد و الم آلدی بسکه بو قزون صحبت و زیباسی شیریندی آهو باخیشی ناز و اداسی نمکیندی ترک ایتمک الهی بو بالانی نه چتیندی آراممی ئوز جانینه اولسون قسم آلدی آهین اوخونی قلبیمه ساچدی سفر اوسته باشدان ال آتوب معجرین آچدی سفر اوسته سسلندی دایان آی بابا قاچدی سفر اوسته فکر ایتدیم ایله معجری زهرا ننم آلدی سسلندی بابا قوی دولانیم باشیوه گیتمه قربان اولوم اول گوزده کی گوز یاشیوه گیتمه ویرم قسم آخر سنی قارداشیوه گتمه هجرونده یانان قلبیمی اندوه غم آلدی گل رزمگهه گیتمه سن ای سرور خوبان ایتمه باش آچوق قزلاری هجرونده پریشان گشواره سوزون بیرده بابا ایتمرم عنوان اجلالیمی الدن فلک بد شیئم آلدی گر چه سنه بو چولده بابا یوخدی مددکار انصارون ئولوب غم یمه ای سرور احرار قزلار سنه لشکر دی باجون زینب علمدار عباسون ئولوبدور اله زینب علم آلدی صبر ایله دیدیم نازلی بالا یانما فراقه اگلشمه یول اوستنده عزیزم دور ایاقه حرمت ایلمز کوفه لیلر ذرّه قوناقه نیلوم بالا سندن منی قوم ستم آلدی قویما آخا خون جگرون گوزدن عذاره تقدیر اللهیدی قزیم منده نه چاره قان آغلاما قوی گیتسون آتون بزم نگاره چون وعدة دیداریمی صاحب کرم آلدی مندن صورا آز اشگوی رخساره الرسن آهیله دل عالم امکانی دلرسن گورسون دارخیسان گیجه گوداله گلرسن اونداکی قیزیم ئوز یرین عهد قدم آلدی ((فرهادون)) ایدوب قلبینی بو غصه پریشان یازسون نجه بو محنتی ای شاه لب عطشان آغلار گوزوم اول دختر نالانوه قربان تاب دلیمی الدن حسینجان قلم آلدی ******
برچسبها: فرهاد فکری
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
