|
استمداد حضرت ابوالفضل العباس (ع) یخلدیم زینیدن شرمنده قارداش توانا قالمیوبدور منده قارداش عزا بزمیم قورولدی قتلگهده آنام زهرا گلوب گل سنده قارداش **** یاتوب طوفان هوانون گتدی گردی یخوب نامردلر مرد نبردی سالوب فرصت اله هر فرد فردی تحمل ایلیه بلمم بو دردی اسیرم پنجه ی دشمنده قارداش پریشاندور گوگل مرغی قفسده سنی گورسه اولور ذوق و هوسده گوزوم یوخدور بلورسن غیر کسده رضایت ویر منه آخر نفسده گر اولسا خدمتیم ارزنده قارداش فداکارم سنه جان و سریله یارالاندوم اوخیلا خنجریله رهین منّتم بیر پیکریله منی هم رتبه ایله اصغریله اولوم باب الحوائج منده قارداش گل ای میر سرای جاودانی یتوب مقصودینه أفواج جانی محال اولدى منه تأمین جانی فقط سن سن اباالفضلون گمانی اوزون ساخلا منی ایمنده قارداش یولوندا گر ئولوب مین یول دیریلسه ال اولسا گوزلریندن قانی سیلسه اذیّت ننگدور عباسه بیلسه ستمله پنجه سی شیرون کسیلسه بونا سوز یوخ دوشر تئز بنده قارداش سوسوز سقایم آرتوقدور ملالیم سویوم اولسیدی آرتاردی جلالیم مصیبت نامه اولدی شرح حالیم دوروب جلّادلر دورمده سالم منیم که صاف یریم یوخ تنده قارداش دگوب اوخ آلنمون سندیردی طاقین گتوردی لرزیه عرشون رواقین بو غملو مدفنون آلدوم سراقین نجه یل سندیرار سروون بوداقین یوزی اوسته یخار گلشنده قارداش اولوب تابع شیوخ نهروانه شیوخ کوفه أود سالدى جهانه امامی ئولدورن اهل زمانه مگر رحم ایلیر قولسوز جوانه یخلسا گور قویالّار زنده قارداش ****** مرحوم انور اردبیلی برچسبها: انور اردبیلی
+ نوشته شده در پنجشنبه ۲۳ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
