|
آرزوی زیارت مدتدی حسین قالمشام حسرت او مزاره گوزدن آخوری اشک تریم غملی عذاره عشقون منی دیوانه و بیهوش ائلیوبدی شوق حرمون لب لری خاموش ائلیوبدی فکر ایلمه دیل عشقی فراموش ائلیوبدی قیل بیرده عنایت اول مزاری من زاره یارب بولوسن من یانیرام حسرت خاطر تا کرب وبلاده سورونم عزته خاطر سن ایله نظر قان توکولن تربته خاطر نوری سال اوزون همتیله بو شب تاره گرچه دئیه لر کرب و بلا قیمتی جاندور جاندان گئچرم بو سوزومون حقی عیاندور شاهد سوزومه روز بلا یئرده کی قاندور ایستور اورگیم کرب و بلانی ندی چاره عاشق اودوکی عشقینه خاطر یارالانسون قویماز نه قدر غملی اولا صبری تالانسون گر جامی اولا قویماز اونی ذره جالانسون گولدی سببی بلبل اولوب بسته بهاره بو کرب و بلانی گوله خاطر اورگ ایستور گول فاطمه نین اوغلودی اوندان کمک ایستور یوخ طعمی خداسز اودی حقدن نمک ایستور حق قیلسا عنایت من بی یاور و یاره هامی بولوری عشقین اودی کور ائلیوبدی اما بو سوزوم عالمی مسرور ائلیوبدی صبر ایلماقا حق بیزی مجبور ائلیوبدی صبر اولسا اگر قسمت اولار وصل دوباره اما دئیورم ای شه عطشان سنه قربان قیل بیرجه نظر عالم امکان سنه قربان ایستور اورگیم کرب و بلا جان سنه قربان حقدن نه اولار ایستیه سن ذره نظاره ((عابد)) بولورم غصه سنی سالدی نفسدن ایستور اورگون آزاد اولا غملی قفسدن یوم آغزیوی سن ایسته مه حاجت همه کسدن یوم گوزلریوی تاپشیر ایشون صاحب کاره ****** سعید عابد سردرود برچسبها: سعید عابد سردرود
+ نوشته شده در چهارشنبه ۲۲ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
