|
ورود محرم - شهادت حضرت ابوالفضل (ع) محرم آیی گلیر باشلانیبدی بزم عزا اولوبدی طشت گذاری مراسمی برپا بو طشته کیم باخوری کربلا دوشور یادینا ئورک فغانه گلیر نینوا دوشور یادینا بو طشت یاده سالیر کربلا حماسه سینی او انقلاب کی دشمن کَسَنمَه دی سَسینی او انقلاب کی عزّت یاراتدی اسلامه اگر چه قانیله نهضت یئتیشدی اتمامه بو طشت یاده سالیر کربلا مصیبتینی بساط ظلموله آل علی اسارتینی آپاردیلار اولاری شامه جه قولی باغلی جفای دشمن بی رحمیله ئورک داغلی بو طشت یاده سالیر دشمنین شقاوتینی علی اکبریله قاسمین شهادتینی بو طشت یاده سالیر اوخلانان قوری مشگی بنات هاشیمینین اوزلره آخان اشگی بو طشت یاده سالیر حضرت ابوالفضلی نهایت ادب و غیرت ابوالفضلی کی نهری فتح ائله ین حالداایچمدی اوسودان اولیدی غیرت و ایثارینه جانیم قربان او لحظه یاده سالیب تشنه لب اوشاقلاری شرار و سوز عطشدن یانان دوداقلاری سویا باخیب دئدی آیا نئجه ایچیم بو سودان بیر عده گوزلری یولدا قالیبدیلار عطشان نئجه ایچیم بو سودان منتظر قالیب گوزلر بالیق کیمی چوبالیر تشنه لب علی اصغر دئدی ازلده گرک اهل بیت اولا سیراب علی الخصوص علی اصغرین آناسی رباب خلاصه ایچمه دی سو غیرت و شرف کانی ائدیبدی نفسینی غیرت یولوندا قربانی ولیک مشگینی دولدوردی تشنه لب سقا بو قصدیله کی لب عطشان بناته سو آپارا گوروب محاصره دیر دوره سین آلیب لشگر چکیب قیلینجینی اول پور فاتح خیبر ائدیبدی شیر دلاور هجوم او دم قوشونا حیاتی ایلدی او عرصه ده عدم قوشونا پوزوبدی لشگرین آرایشین سینیب صفلر یاریبدی قلب سپاهی او شیر رزم آور یول آچدی لشگر ایچیندن گئده خیامه طرف ولیک مشگی او اثناده اولدی تیره هدف دلیندی تا کی سو مشگی اُمیدی آخدی یئره چکیبدی رزمیدن ال حسرتیله باخدی یئره سوزولدی تا یئره سو اولدی مایۀ افسوس اولوب او لحظه ده اخیامه گئتمه دن مأیوس ائدیب محاصر لشگر دوباره سرداری کی لاجرم او یَلین باشلانیبدی پیکاری اولوبدی حمله ور او لشگر ستمکاره ائدیبدی عرصه نی تنگ اول گروه اشراره قیلینجینین قاباقیندان قاچیردی او باشلار دوشوردی تورپاقا برگ خزان کیمی باشلار ائدیردی حمله یمین و یساره برق آسا قیریب توکوردی یئره ال ایاق یل هیجا ستوهه گلدیلر آخر الیندن او لشگر کی اولدولار اونا هر سمتیدن هجوم آور حریف اولانمادیلار عاقبت او سرداره اولوبدولار متوسل نئچه کمانداره اوزاقدان ایلدیلر اوخلارا نشان آقانی ائدیبلر اوخلار او اثناده نیمه جان آقانی اصابت ایلدی تیر سه شعبه ساق گوزونه چکنده تیری گوزوندن گوزی آخیب اوزونه او حالدا چیخدی کمینگاهیدن ایکی ملعون بیری سالیبدی اونون ساق قولون بیریسی صولون عمودیله بیری ده باشینه ووروب ضربت کسیلدی تاب و توانی گتیرمه دی طاقت یئخیلدی تورپاقا داش قوم باتیبدی اوز گوزونه الی یوخیدی کی تا حایل ایله سین اوزونه دوشنده تورپاقا لشگر اولوب هجوم آور آلیبلا دوره سینی الده نیزه و خنجر یارالی پیکرینی شرحه شرحه دوغرادیلار او ظلمه شدّت غمدن ملک لر آغلادیلار او قدر یاره واریدی او جسم اطهرده کی قالمامیشدی هامار یئر یارالی پیکرده بئله روایت ائدیرلر صدیق راوی لر کی شکل ظاهریسیندن یوخیدی ذره اثر اودور (( سدید )) کی شیعه همیشه قان آغلار او صحنه یاده دوشنده ائدر فغان آغلار ****** جواد حاجی حسینی (سدید هریسی) برچسبها: جواد حسینی زنجانی
+ نوشته شده در چهارشنبه ۲۲ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
