|
حضرت ابوالفضل علیه السّلام قلم ایدر گینه طرز کلامی بوردا عوض قلم اولان قولا یعنی که آغلاماقدی غرض چیخوب فراتیدن اوز قویدی خیمه گاهه طرف کسوب قباقنی دوت مین نفر شریر طرف چکوبدی نعره آلوب غیظیله اَله شمشیر آتاسی شیر خدا تک او چور شاه نجف ایشتدی نعره سینی خیمه گاهیده بالالار او تشنه دیللّره یوز ویردی بو سَسیله شعف باخوردی زینب کبری گوزی حسین یوزینه گوروب سارالدی صولان گل کیمی او کان شرف دیدی نه وار مگر عبّاسی یخدیلار آتدان چالوّلا طبل بشارت گلور ترانه ی دف بویوردی باجی سلامتدی قارداشیم امّا قلج آلوب صولا اول قُلزم هنرده صدف دوشنده بیر قولی عبّاسون ای امام زمان حسین بیله پوزولور یوز ویرور بو حال اَسف نه چکدی بُولمَم او دم که گلوردی سرعتیله گوروب دایاندی آتی ذوالجناح اوزی رف رف باخوب نه گوردی که یرده ایکی کَسوک اَل وار تأسّفیله او مظلوم ویردی بِیربِیره کف گوتوردی قوللّاری بیر اوپدی باغرینا باسدی او قدر قالمادی اولسون قوای جسمی تَلَف اوجالدی شیونی سهم و صلابتی چوخالوب گوروب او صولتی دشمن فرار ایدوب صف صف یتشدی بیر یئره گوردی یخوبلا قارداشینی آلوبلا دوره سین اون یدّی بی حیا و شرف داغتّدی دشمنی گوتدی تُراب ذلّتدن آلوب باشین دیزی اوسته ابو ترابه خلف پیمبر اوغلونون احوالینه او ساعتده چکوب سَس آغلادی یکسر پیمبران سَلَف عجبدی یانمادی افلاک حسینون آهندن که سُوز اولاندا اورکده اولور چوخ آهده تف گوروب بدن دولوسی نیزه دور قلج خنجر علاوه سانسیز اوخا سینه سی اولوبدی هدف دیدی بو گُولدی که خندان اولوبدی بیر دسته و یا دوشوب یئره اوراق اولوبدی بیر مُصحف چَکوب کناره نچه اوخ او گل عذاریندن یولالّا اولسا گر اطراف گلده خار و علف آچوب گوزین دیدی ای کربلا سلیمانی غلامیدیم سنه ایتدون حساب بیر آصف بو حالتیمده مُشرّف بیوردون ایتدون یاد که ای باباسی هامی انبیالره اشرف یوخومدی تُحفهی قابل ولی قبول ایتسن نثار مقدموه بیر حقیر جاندی به کف قصور خدمتمدی عفو ایله بو گون سَندن خجالت ایتدی منی بو گروه مستضعف بو آرزونی ایدر (( شأنی )) ای شه ذیشأن ئولَن زمانیده اولسون یئری زمین نجف ****** مرحوم حسین شأنی برچسبها: حسین شأنی تبریزی
+ نوشته شده در چهارشنبه ۲۲ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
