|
استمداد حضرت قاسم(ع) قالمیشام میدانیده اشرار الینده پایمال اولدوم عمو کفار الینده سنگباران اولموشام تیز گل عمو جان قالمیشام بو فرقه ی کفار الینده تز گل عمو قورتار بو بلوادن منی چک ساحله طوفانلی دریادن منی گل ویر نجات وحشتلی ماوادن منی **** قالمیشام آتلار ایاقینده عمو گل آلمیشام میدانیده قاندان وضو گل گرچه لب تشنه شهید اوللام بو چولده آب کوثردن ویرر جدیم سبو گل قربانیوم الطافیوه وابسته یم تیز گل عمو جنگ و جدلدن خسته یم گوزلر آخور یوخدور امان جان اوسته یم **** یوخ زره اگنیمده چوخدور یاره تنده تشنه دور لبلر رمق یوخدور بدنده بس که یاره ووردولار اعدا بو جسمه وار نه تنده صاف یریم نه پیرهنده تیز گل عمو اشرار آرا آواره یم تیز گل عمو اکبر کیمی صد پاره یم تیز گل عمو جسمی سراسر یاره یم **** عرصه ده باشیم دوشوب اعظم بلایه سال یتیمم باشیمه لطفیله سایه جان بدنده اوستومه آت چاپدیریللار نسگیلیم ایلر اثر ارض و سمایه شهادتیم بالدان شیرین دیر قاسمه اولماز چاتان بو معنوی احساسمه الان باتار هامی خیمده یاسمه ****** کربلایی رحیم شایان برچسبها: رحیم شایان
+ نوشته شده در چهارشنبه ۲۲ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
