|
راه شام چوللری حیران دولاننام عمّه عمّه گیتمه قالدیم گه قاچوب گاهی دایاننام عمّه عمّه گیتمه قالدیم **** جسممی یورموشدی غملر طاقتیم گیتدی دایاندیم گول کیمی خار مغیلان سایه سینده دالدالاندیم عفو ایله یاندیم دیدیم من تیز اویاننام گئج اویاندیم بیرده یاتسام تیز اویاننام عمّه عمّه گیتمه قالدیم من او طفلم هاردا یاتدیم لطف ایدوب گلدون اویاتدون بولمورم نه باعث اولدی من یتیمی گوزدن آتدون گور بابام بیله دیمیشدی سن منی یاددان چخارتدون هجره من دیلدن تالاننام عمّه عمّه گیتمه قالدیم یتسه غم دین اوسته سانما خم یتورم قاشه عمّه بیر بئله درد و مصیبت گور گلر بیر باشه عمّه من یول آزمش بیر غزالم دوشموشم داغ داشه عمّه بو غمه گور من دایاننام عمّه عمّه گیتمه قالدیم نه منی یاد ایلین وار نه منه یولداش ویرور سس نه انیس و مونسیم وار نه باجی قارداش ویرور سس سسلینده داده اما بیر منه داغ داش ویرور سس سسلنور گلدیم ایناننام عمّه عمّه گیتمه قالدیم گه قاچوب گاهی دایاننام گه اوتورّام آغلارام من گه ایاقلاریم سیزیلدار گاهی سینه داغلارام من گاهی باشیم معجریندن بو ایاقه باغلارام من ایتما تا شِکوه اوتاننام عمّه عمّه گیتمه قالدیم من او صولموش بیر گولم که ظلمله سیندی بوداقیم سسلیوم کیم داده گلسون بیر کمک یوخدور سراغیم ساق صولا قاچماقدان آخر آبله اولدى ایاقیم بو غمی گور سهل ساننام عمّه عمّه گیتمه قالدیم نیلیوم چارم ندور بس کیم اولار بو درده حالی کیمسه امداده یتن یوخ شرح ایدم من بو ملالی نا بلد بیر لیل یلدا چول آراسی قیز عیالی خاره گول تک دالدالاننام عمّه عمّه گیتمه قالدیم من دیمم آغلار یتیمه آیری دوشسه اولکه سیندن قیز گیجه اما قاچاندا خوف ایدر اوز کولگه سیندن قور خولی سسلر گلوللر تا چولون هر گوشه سیندن آتش وحشتده یاننام عمّه عمّه گیتمه قالدیم بیر آنام زهرا بو چولده من یتیمی یاده سالدى اشکیمی سیلدی یوزومدن تا منی آغوشه آلدی بوشلادیم زهرا قوجاقین من یولا دوشدوم او قالدى قالمادیم که چوخ یوباننام عمّه عمّه گیتمه قالدیم بولمدوز سیزده و یا کیم بو یتیمون ترکین ایتدوز سسلدیم قالدیم نه باخدوز نه گلوب امداده یتدوز گه صولا گه ساقه قاچدیم بولمدیم نه سمته گتدوز درد و محنتدن اوساننام عمّه عمّه گیتمه قالدیم آغلورام بیر کس ایشیتمور من یتیمون آه و زارین من دیمم گل اشکیله سیل یوز گوزوم گرد و غبارین گوزلرون قربانی بیر دم لنگه وورسان غم قطارین باشیوه گللم دولاننام عمّه عمّه گیتمه قالدیم قورخورام گلسم دوباره ملحق اولسام کاروانه ایلسون تأخیری عنوان شمر ورسون تازیانه آغلادور هجران غمی من نی کیمی گللم فغانه رنگ آلامه بویاننام عمّه عمّه گیتمه قالدیم (( اعظمی )) اولسا نصیبون شامه گئتسن سینه داغلا تا ایله گوزده مجسّم بو غمی یولاردا آغلا بو بالانون دئ دلینجه گوز یاشون رخساره باغلا چوللرى حیران دولاننام عمّه عمّه گیتمه قالدیم ****** مرحوم بیوک اعظمی تبریزی
برچسبها: بیوک اعظمی تبریزی
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
