|
وداع حضرت اباعبدالله الحسین (ع) (سبک : منیم ای تشنه قربانیم ) حسین ای زینبین جانی کَرَم قیل بیر دایان قارداش اگر دیندیرمَسون الان ئولر زینب اینان قارداش او گون که باغلادیم پیمان سنیله عشق یار اوسته چالیشدیم خوان عشقونده اولام مهمان وارسته خیال ائتمه باجون زینب بلا گلسه اولار خسته وارام پیمانیمون اوسته نقدری واردی جان قارداش فلک بیلدی روا جامِ مصیبت لب به لب دولسون ولایت گلشنی دست خزان ظلمیدن صولسون کیمیم واردی بو صحراده اگر سنده شهید اولسون بو میدانه قدم قویسون اولار قَدّیم کمان قارداش بو ایثاره قالوب حیران گویون اهلی باخور یکسر ئوزون تشنه اورک داغلی یوزون جنّت لبون کوثر سنه قربان ئوزوم قارداش آنام زهرا آتام حیدر اولاردا غصّه دن اولموش منیله هم زبان قارداش صفا تاپدی صبا قارداش سَحَر راز و نیازوندن گونش چیخدی شرار آلدی سنون سوز و گدازوندن منیمده واردی گویلوم تا اوپم تشنه بوغازوندن شرارونده یانام بیرده وئرم جانانه جان قارداش الون قوی قلبیمون اوسته تاپوم آرامش ای جانان و یا ایله دعا قارداش اجل گلسین قوتارسین جان اگر قالسامدا دنیاده منی دیلدن سالار هجران ائله بیللم بو ساعتده وفاتیمدور عیان قارداش بو قانلی عرصه ده قارداش ائدور درک خطر زینب هارا گئتسون بو چولده نقد جان الده گئدر زینب بویور سن سیز اولار کیملن بو یولدا همسفر زینب ئولن ئولدی دوشوب درده بو ماتمده قالان قارداش منیم دار و نداریم گئتمه بو طوفانلی میدانه گئدن گلمور بو میداندان باتور یکسر قیزیل قانه یئر آغلور گوئیا چون گوی گئدور اجرای پیمانه بو پیمانه زمین آغلور ائدور نوحه زمان قارداش ****** مرحوم حاج داود بیدق داری برچسبها: داود بیدق داری داور
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
