|
ورود ماه محرم گریز به کوفه چون شب آخر ذیحجه صباح اولدی بیزه قره مکروهیده اولسیدی مباح اولدی بیزه اوّل ماه محرم چکیلوب عرشه قرا ماسواده قورولوب شاه شهیدانه عزا گیمیشوک قاره عزا صاحبیدور ذات خدا بو عزا باعث غفران و فلاح اولدی بیزه حجتی خصم بد اندیشه تمام ایلمگه شوقیله پیروی راه امام ایلمگه بر علیه ستم و ظلم قیام ایلمگه آهیمیز ،گوزیاشیمیز ،سردِ صلاح اولدی بیزه اولدی دیوانه جماعت دئمه بازاره روان گینوب قاره اولوبلار گینه ده اشک فشان مدّعی محفل غمدن اوجالور عطر جنان بزم ماتم بلی روضات ریاح اولدی بیزه بیزی دشت عطشون دردی ائدوب پوزقون اساس قورموشوق بی کفن اربابیمیزه مجلس یاس ضمن اینکه ائده روک درگه یزدانه سپاس دیلده لبیک حسین ذکر رواح اولدی بیزه بیز حسین درگهینی باب کرامت تانیروق سانمیون محنت عاشورینی آسان سانیروق شمع باشدان یانار اما بیز ئورکدن یانیروق شعله سیز عشق اودونا یانما صلاح اولدی بیزه سونمیوب حشره کیمین سونمیه جک دل کوزوموز دلبرون پاک آدی هر بزمیده اولموش سوزوموز عالی سرمایه اولوب محشره آغلار گوزوموز توکدی گوزیاشی یوزه چشم نجاح اولدی بیزه او شهون بزم غمی اولدی بیزه دارالامان گزوروک مجلس ماتمده اودور ناله کنان بال و پرسیز قوشودوخ ایلروک ایندی طیران یعنی فطرس کیمی شه لطفی جناح اولدی بیزه آغلاروق زینبه که کوفه ده یاردی باشینی نیزه باشینده مخاطب ایلدی قارداشینی دئدی گور عترتیوون قانه دونن گوزیاشینی دشمنون دل یاراسی زخم رماح اولدی بیزه سن که گتدون گیجه نی خولی نامرده قوناق اولدی غمدن حرم طاهره نون طاقتی طاق یاندیروب قلبیمیزی آتش جانسوز فراق شب هجران نه مصیبتله صباح اولدی بیزه قد اهل حرمی محنت و غم ایلدی خم قول قولا باغلادیلار قیزلاریوی قوم ظُلَم آیریلان وقتیده گودالیدن ای میر امم روبرو پیکر صد چاک و شراح اولدی بیزه اللی ایل ایلمیشم گوشه محنتده نوا بو امیدیله توجه ائده لطفیله آقا شاعریمدور بو (( تقایی )) دیه شاه شهدا ایشی بیر عمر بونون صدقیله ناح اولدی بیزه ****** محمد تقائی اردبیلی برچسبها: محمد تقائی اردبیلی
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
