|
رحلت پیامبر اعظم صلوات الله علیه بستر مرگیده بو گون خاتم الانبیا یاتوب فاطمه نون نواسینی درک ائلیور و یا یاتوب اهل وطن ائدور نوا ناله دوتوبدی داغ داشی هامی دیور پیمبرون یوخ باجسیلا قارداشی اهل مدینه حقلیدی توکسه ئولونجه گوز یاشی گوزده چراغیمیز گئدور الدن علاجیمیز گئدور روز و شب آغلیاق گرک باشداکی تاجیمیزگئدور آغلوری فاطمه دیور سن منی قویما تک بابا باجیم آناملا قارداشیم ئولدوله تک به تک بابا ایندی سالیم غمونده من باشه قرالچک بابا؟ آند اولا خسته جانوه هجروه من دوزنمرم دوزدوم آنام ئولنده من سندن الیم اوزنمرم منبری خالی آی بابا مسجدی بوش قالان بابا خلق چکور هارای بابا دهره نوا سالان بابا من دئمورم که وای بابا کاش اولا بو یالان بابا ئولمیه سن گییندیروب مسجده گوندرم سنی قلبی یارالی بیر قیزام قویمیاسان ملر منی ناگه حسنده سسلنور نازیمی آی چکن بابا گوزلرون آچ دوزنمورم درده گلوب حسن بابا من نئجه تاب ائدوم آتام بیچسه سنه کفن بابا چاره ائله سن اولماسون بو محنه دوزنمرم غربت اولار وطن منه هئچ طرفی گزنمرم باخدی حسین دوزنمدی سینه سینه سالوب ئوزون آغلادی گلدی شیونه ختم رسول آچوب گوزون گوزلرینین یاشین سیلوب رام ائلدی اوپوب یوزون سویلدی صبرائله اوغول توکمه عذاره گوزیاشون آغلاما منده آغلارام چونکه بلالیدور باشون سینهٔ عقل کلّیدن چکدی حسینی مرتضی جان وئروری بابون دئدی سالما فشاره آی بالا باخدی علی جمالینه گلدی بیانه مصطفی چکمه حسینیمی علی قوی قوجاقیمده جان وئروم دیلده اولان محبتین عالمه من نشان وئروم بیلسون هامی حسینیلن جسمیده بیردی جانیمیز من اونونام اودا منیم خون خدادی قانیمیز بیردی بیزیم عقیده میز وحدتیمیز زبانیمیز کیم اونی راضی ایلسه بیل منی راضی ایلیوب کیم اونا ناسزا دئسه بیل منه نا سزا دئیوب عرض ائدورم ای عالمین لنگری ختم الانبیا کرب و بلاده اولمادون قاره گیینده ماسوا قویدی حسینه خارجی آدی گروه اشقیا یخدیلار بیر چوخور یره هامیسی وردی دوره دن گلمدی عرشیدن بلا باتمادی کربلا ندن چوخ سو دئیوبدی لشکره وئرمدیلر او سروره اوپدیگون اول بوغازینی توش ائلیوبله خنجره شمر کسن زمان گرک لرزه دوشیدی گویلره یا اولارون یاغیدی داش ابرهه مثلی باشینه تا وران اولمیوردی اول باشیده نیزه باشینه باشی جداده پیکری شان شان اولوب حسینوون مقتلینه داشیلا اوخ نیزه دولوب حسینوون گون کیمی اهل عیالینین رنگی صولوب حسینوون کاش گلیدون اود دوتوب خیمه لر اودلانان زمان بعضی قیزین اتک لری شعله چکوب یانان زمان ایستیوری(( تفاخری )) بیت خدانی ، هم سنی بیرده گلوب بقیعده باشلیا داد و شیونی صورته گوز یاشین توکه اوخشیادور دائمه نی بیرده دویونجان آغلیا فاطمه نون بلاسینه یاد ائدوب اوخشاما دئیه سقط اولونان بالاسینه ****** حاج شفیع تفاخری برچسبها: شفیع تفاخری اردبیلی
+ نوشته شده در دوشنبه ۲۰ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
