‍ زبانحال خانم ام البنین (س)

ام البنینم من گوزوم یولدا قالدی

گوزوم یولدا قالدی گوزوم یولدا قالدی

من بیکسی دنیا یامان درده سالدی

یامان درده سالدی یامان درده سالدی

منم عثمان عبداللهه غم گستر

منم جعفرله عباسیمه مادر (۲)

فدیه ویردیم آقاما بالام جعفری

بالام جعفری بالام جعفری

یا ابوالفضل رشید او مه پیکری

او مه پیکری او مه پیکری

****

عالم ایدر صحبت آدامسیزلیقیمدان

آدامسیزلیقیمدان آدامسیزلیقیمدان

چشم جهان آغلار اوغولسوزلوقومدان

اوغولسوزلوقومدان اوغولسوزلوقومدان

بلا دشتینده دورت اولدوزوم باتدی

خصوص عباسیم گوزدن منی آتدی (۲)

کاش بولیدی آناسی اولوب دلکباب

اولوب دلکباب اولوب دلکباب

گوزلریم ماتمونه یاغور چون سحاب

یاغور چون سحاب یاغور چون سحاب

****

عبداللهه یانام من ایوای اوغول وای

من ایوای اوغول وای من ایوای اوغول وای

سسلر دیلیم هر آن ابوالفضلیم ایوای

ابوالفضلیم ایوای ابوالفضلیم ایوای

ایشیتدیم مشکیندن سو جالانموشدی

عمودیله باشی پارچالانموشدی (۲)

شکر اللهه اولوب حسینه فدا

حسینه فدا حسینه فدا

مرد و مردانه دیوب بلایه بلا

بلایه بلا بلایه بلا

****

ای کاش اولیدیم من بالام جان ویرنده

بالام جان ویرنده بالام جان ویرنده

گویلون آلیدیم بیر آنا سسلینده

آنا سسلینده آنا سسلینده

اوجا بویلی سرویم قول بوداق اولدی

منی توش ایدن درده بو داغ اولدی (۲)

حقلیم باشه سالام قرا آغلیام

قرا آغلیام قرا آغلیام

وار یری حشره کیمی عزا ساخلیام

عزا ساخلیام عزا ساخلیام

****

آخشام باتاندا گون بالاسی قان آغلار

بالاسی قان آغلار بالاسی قان آغلار

عبداللهین آغلار گوزی سینه داغلار

گوزی سینه داغلار گوزی سینه داغلار

علم الده عباسین سراقینده

چگینده بوینی بابا فراقیندا (۲)

یاندرور سینمی چوخ قراریم آلور

قراریم آلور قراریم آلور

بیرق الده دولانور قیامت سالور

قیامت سالور قیامت سالور

****

عباسیم اولسیدی گوزوم باغلیاردی

گوزوم باغلیاردی گوزوم باغلیاردی

اندوهیله اوغلوم منه آغلیاردی

منه آغلیاردی منه آغلیاردی

صبا آگاه ایت قولسوز علمداری

ئولور مادر گل ایله عزاداری ‌ (۲)

ایله عباسه صبا بو نوعی خطاب

بو نوعی خطاب بو نوعی خطاب

گل آنان جان ویروری چوخ ایله شتاب

چوخ ایله شتاب چوخ ایله شتاب

******

حاج علی زلفی تبریزی


برچسب‌ها: حاج علی زلفی تبریزی
+ نوشته شده در  یکشنبه ۱۹ اسفند ۱۴۰۳ساعت   توسط حاج محمد محمد قاسمی  |