|
درد دل حضرت ام البنین (س) با حضرت عباس و جواب آن گل کرب و بلادن منه بیر آغلا ابالفضل یانمیش سینَوی محنتیمه داغلا ابالفضل جان اوسته آنان، قبر ائوینه گئتمه میش اوغلوم گل اللریویله گوزومی باغلا ابالفضل پایانه چاتوب عمروم اوغول دادیمه تئز گل گل حالِ پریشانیمی سن ایله محوَّل هجرونده اوغول ساچلاریم آغ اولدی مدلّل بیر اللریوی قوی سینمه سوهرا ده دینجل گل کرب و بلادن منه بیر آغلا ابالفضل گل اللریویله گوزومی باغلا ابالفضل هئچ بیلمزیدیم اوغلی ئولَنلَر نه چکیلّر یانمیش سینییه غملی بلادن نه اکیلّر هر صبح مسا آخشاماجان قان یاش اَلیلّر بیلدیم کی نیه سینه لرون غمده دَلیلّر گل کرب و بلادن منه بیر آغلا ابالفضل گل اللریویله گوزومی باغلا ابالفضل عبدوالَّهیوه من دئمیشیدیم گله جاقسان نازین ده چگیب،گوز یاشینی هم سیله جاقسان بیر گون اولاجاق کی آتاویله گوله جاقسان هئچ بیلمزیدیم کربوبلاده ئوله جاقسان گل کرب و بلادن منه بیر آغلا ابالفضل گل اللریویله گوزومی باغلا ابالفضل زینب گتیروبدور منه سندن علم اوغلوم فیکرون منی هئچ قویمادی بیر دم گولم اوغلوم شرح ائتدی نجور قوللارین اولدی قلم اوغلوم بیر بیله مصیبتده گرگدیر ئولم اوغلوم گل کرب و بلادن منه بیر آغلا ابالفضل گل اللریویله گوزومی باغلا ابالفضل فخر ایلیورم اوغلوم علمدار حسیندور من نوکر زهرا او مددکار حسیندور هم عاشق دلبسته دی ، غمخوار حسیندور هم کرب و بلاده او سپه دار حسیندور گل کرب و بلادن منه بیر آغلا ابالفضل گل اللریویله گوزومی باغلا ابالفضل
جواب حضرت ابالفضل (ع) اوچ پر دیوب اوخ گوزلریمه آغلیا بیلمم چارم ندی پس سینه میده داغلیا بیلمم نهر اوسته آنا مشکه گوره مشکله دوشدوم قوللار کسیلیب گوزلریوی باغلیا بیلمم شرمنده دی اوغلون آنا اصغر آناسیندان گوز کولگه لیدور حضرت زهرا بالاسیندان نهر اوسته یاتوب قانی آخور هی یاراسیندان شرمنده دی اوغلون گوزوون باغلاماسیندان اوچ پر دیوب اوخ گوزلریمه آغلیا بیلمم قوللار کسیلیب گوزلریوی باغلیا بیلمم زینب یئته جک دادیوه ای اٌمِّ علمدار چوخ غم یئمه آغلار عوضیمدن سنه دلدار داغلار سینه سین حالِ پریشانیوه ، غمخوار باغلار گوزووی من بیلورم هم سنه اوخشار اوچ پر دیوب اوخ گوزلریمه آغلیا بیلمم قوللار کسیلیب گوزلریوی باغلیا بیلمم عبدالَّهیمه سویله بابان گلمیه جاقدور دای آغلاماسین گوز یاشینی سیلمیه جاقدور غملرده یانوبدور اورگی گولمیه جاقدور گوزلور یولووی هرگئجه فیکرینده اویاقدیر اوچ پر دیوب اوخ گوزلریمه آغلیا بیلمم قوللار کسیلیب گوزلریوی باغلیا بیلمم ****** اصغر الماسی اهری برچسبها: اصغر الماسی اهری
+ نوشته شده در یکشنبه ۱۹ اسفند ۱۴۰۳ساعت توسط حاج محمد محمد قاسمی
|
|
درباره وبلاگ  بسم الله الرحمن الرحیم
«مَن بَکی أَو أَبکی أَو تَباکی فی مُصیبهِ الحُسین حُرِّمَت جَسَدَهُ علی النار و وَجَبَت لَهُ الجَنَّه .» ؛هرکس در مصیبت امام حسین بگرید یا بگریاند و یا ( اگر گریه اش نیامد ) خود را به حالت گریه بزند ؛ جسدش بر آتش حرام شده و بهشت بر او واجب می گردد التماس دعا حاج محمد محمد قاسمی
|
